| e-texts navigator |
| བོད་ཡིག |
132b1 gzhan yang dper na sbrang bu'i gcin nyung shas kyis sa chen po ngoms par mi 'gyur ba de bzhin du sbrang bu'i gcin dang 'dra bar ma 'ongs pa'i dus na mdo sde chen po 'di 'jig rten du chung shas tsam zhig spyod par 'gyur te/ dam pa'i chos
132b2 'jig pa'i tha mar sbrang bu'i gcin sa chen po la song ba bzhin du zad par 'gyur ro/ /'di ni dam pa'i chos nub pa'i ltas bdun pa ste/ ltas gzhan yang yod par mkhas pas shes par bya'o/ /rigs kyi bu gzhan yang dper
132b3 na dbyar zad pa'i mjug dgun gyi zla ba dang po ni ston zhes bya ste/ ston gyi dus la bab pa na ma smin pa smin par bya ba'i phyir sprin rnams kyis char phab nas myur ba myur bar 'gyes pa de bzhin du/ mdo chen po 'di yang ston gyi sprin
132b4 gyis char bab nas myur du 'gyes pa de bzhin du lho phyogs su song nas yongs su mya ngan las 'das pa chen po'i dgongs pa'i tshig thams cad kyi chos kyi char 'bebs so/ /de nas lho phyogs kyi byang chub sems dpa' sems
132b5 dpa' chen po rnams kyis dam pa'i chos 'jig par shes nas dgun gyi dus dang nye bar gyur pa'i sprin bzhin du kha che yul du song nas sa la nub par gyur te/ theg pa chen po'i mdo sde shin tu rgyas pa bdud rtsi'i mchog gi dam
132b6 pa'i chos thams cad nub par 'gyur ro/ /da ltar ni de bzhin gshegs pas mkhyen pa'i mdo sde 'di lag tu 'ongs mod kyi dam pa'i chos nub par 'gyur ro snyam du byang chub sems dpa' sems dpa' chen po mi mchog rnams
132b7 kyis shes par bya'o/ /gsol pa/ de bzhin gshegs pa dang / rang sangs rgyas dang / nyan thos dang / byang chub sems dpa'i khams tha dad pa ma mchis pa sems can thams cad kyis bde blag tu rtogs par
132b8 bgyi ba'i slad du bcom ldan 'das kyis gsal zhing zur phyin par bka' stsal du gsol/ bcom ldan 'das kyis bka' stsal pa/ rigs kyi bu dper na khyim bdag gam khyim bdag gi bu zhig la ba lang gi lhas mang po
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo