| e-texts navigator |
| བོད་ཡིག |
12b1 'bum dang lhan cig tu dus ma yin par yang shing ljon pa dang / 'khri shing dang shing gel pa dang nags ma rnams dang snye ma dang me tog gi 'khri shing dang / byi ru rnams kyis sa phyogs rgyan par byed cing dus tshigs thams cad kyi me tog gi dpal rnams
12b2 phyogs su rgyas par byed la lo ma kha 'bus pa rtsa ba dmar ba rnams kyis shing sa la zung nyi ma 'char ka'i 'od zer ser po ja kong khar 'dug pa bzhin du byas nas mchod pa snga ma'i nyis gyur bas lhag pa'i mchod pa dag khyer te/ bcom ldan 'das la mchod pa byas
12b3 nas snga ma bzhin du shing sa la zung gi drung du 'khod do/ /gzhan yang de'i tshe char pa 'bebs pa'i lha gang gA'i klung gi bye ma snyed sprin chen po dang / chu skyar rnams phyi bzhin 'brang zhing glog 'gyu ba'i gseb nas rma bya'i mgrin pa ltar mdog sngo ba'i char gyi rgyun
12b4 'bab la/ 'brug sgra dal nas sgrogs pa'i sprin dang ldan pas char zim bu bsil ba dang 'dres pa'i me tog gi char 'bebs shing / bcom ldan 'das la phyag 'tshal te zhal zas ma bzhes nas re thag chad de/ de bzhin gshegs pa'i gdung zhugs la
12b5 bzhen pa'i me bsad pa'i phyir nam mkha' nyid la 'khod do/ /gzhan yang de'i tshe spos kyi glang po sgra gcan dang / lung tang mdog dang / sbrang rtsi mdog sel dang / 'dod dgu'i spos ldan la sogs pa spos kyi glang po gang gA'i klung nyi shu'i bye ma snyed theg
12b6 pa chen po 'dod pa sha stag gis ston pa yongs su mya ngan las 'da' ba'i phyir gangs kyi sman dang / pad ma'i rtsa ba dang / sdong bu shing rta chen po'i 'phang lo tsam sha stag dang / dgon pa chen po dag nas pad ma dang / ud pa la dang / ku mu da dang / pad+ma
12b7 dkar po dang / rtsa ba dang 'bras bu dang rdo gu sna tha dad pa du ma dag sna'i thor tos phyung zhing phyung zhing khyer te rlung gi shugs pas kyang ches mgyogs pa dang / shin tu rings par dbyar gyi 'brug sgra bzhin du sgrogs shing lhags nas pad ma'i mdab ma bcer ba'i seng
12b8 ge'i khri'i lda ldi dag bshams te bcom ldan 'das la mchod pa byas nas zhal zas ma bzhes nas re thag chad de phyogs gcig tu 'khod do/ /gzhan yang de'i tshe seng ge seng ge'i sgra sgrogs pa zhes bya ba la sogs pa seng ge gang gA'i klung sum bcu'i bye
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo