rKTs

e-texts navigator

Volume

Page

129b₁ no/ /rigs kyi bu de ltar na de bzhin gshegs pa'i sku dang / de bzhin gshegs pa'i dgongs pa'i tshig kyang shes par dka'o/ /dper na rgyal po la la zhig gis rang gi blon po la sen+da pa 'on cig ces de skad bsgo na/ de la sen da pa
129b₂ zhes bya ba ni lan tshwa dang / skom snod dang / ral gri dang / rta rnams la bya ste/ 'di bzhi'i ming sen da pa zhes bya na/ 'di ltar ming gcig la don mang po yod pas/ gang gi tshe rgyal po bshos gsol ba na sen da pa
129b₃ zhes zer na ni de'i tshe blon pos sen da pa lan tshwa yin par rig nas lan tshwa 'bul bar byed do/ /gang gi tshe rgyal po gshos gsol zin nas sen da pa zhes zer na ni de'i tshe blon pos skom snod yin par rig nas skom snod 'bul bar
129b₄ byed do/ /gang gi tshe rgyal po skyed mos tshal du 'gro ba'i tshe sen da pa zhes zer na ni de'i tshe blon pos rta yin par rig nas rta 'bul bar byed do/ /gang gi tshe rgyal po 'thab pa'i tshe sen da pa zhes zer na ni de'i tshe blon pos ral gri yin
129b₅ par rig nas ral gri 'bul bar byed de/ de ltar rgyal po'i dgongs pa'i tshig rnam pa bzhi blon po rnams kyis khong du chud par 'gyur ro/ /rigs kyi bu de bzhin du theg pa chen po 'di la yang mi rtag pa rnam pa bzhi zhes bya ba yod par theg
129b₆ pa chen po pa blon po dang 'dra bas de bzhin du rig par bya ste/ gang gi tshe de bzhin gshegs pa 'jig rten du byung nas sangs rgyas yongs su mya ngan las 'da'o zhes ston na ni de'i tshe theg pa chen po pas mi rtag pa ston to snyam du shes par bya
129b₇ ste/ mi rtag pa'i 'du shes bsgom par bya'o/ /gang gi tshe de bzhin gshegs pa dam pa'i chos nub pa dang zhig par 'gyur ro zhes ston na ni de'i tshe sdug bsngal ston to snyam du shes par bya ste/ sdug bsngal bsgom par bya'o/ /gang gi tshe
129b₈ de bzhin gshegs pa dge slong rnams dang / dge slong ma rnams la/ nga'i lus nad chen po mtha' yas pas gzir to/ /dge 'dun 'jig par 'gyur ro zhes ston na ni de'i tshe bdag med pa ston to snyam du shes par bya ste/

_{iiif viewer powered by OpenSeadragon}

129a - 130a

Texts on this page