| e-texts navigator |
| བོད་ཡིག |
129a1 spong bar mdzad pa la/ ji ga de bzhin gshegs pa mi rtag par 'gyur ram/ gsol pa/ bcom ldan 'das de ni ma lags te/ sbrul lpags pa rjes pa bzhin du 'dzam bu'i gling kha cig tu thabs kyi
129a2 sku gzhan bor nas thabs kyi sku gzhan ston par mdzad lags so/ /bka' stsal pa/ rigs kyi bu de bas na de bzhin gshegs pa rtag pa yin no/ /rigs kyi bu gzhan yang dper na gser mgar gyis gser gyi 'byung gnas nas
129a3 gser bzhu ste/ skyon dang bral bar gyur nas rgyan bzang po ji dang ji lta bu'i gzugs su 'dod pa'i gser mgar byed du bcug na de dang de lta bur byed pa de bzhin du de bzhin gshegs pas kyang srid pa nyi shu rtsa lnga dag tu gdul bar
129a4 bya ba rnams ci dang ci lta bur 'dod pa de dang de lta bu'i thabs kyis gzugs mngon par sprul nas sems can rnams sgrol bar mdzad do/ /de bas na de bzhin gshegs pa'i sku ni mtha' yas te rtag pa yin no/ /rigs kyi bu gzhan yang
129a5 dper na a mra'i shing ngam/ 'dzam bu'i shing yang rung / dus tshig rnam pa gsum gyi dbang gis 'gyur te/ res 'ga' ni sbal mig bye ba dang lo ma kha 'bu bar 'gyur ro/ /res 'ga' ni lo ma rgyas shing grib ma bsil bar 'gyur
129a6 ro/ /res 'ga' ni shing skam po bzhin du lo ma lhags par 'gyur na/ ji ga shing de dag shi zhes bya'am/ gsol pa/ bcom ldan 'das de ni ma lags so/ /bka' stsal pa/ rigs kyi bu de bzhin du de bzhin gshegs
129a7 pa dgra bcom pa yang dag par rdzogs pa'i sangs rgyas nyid gdul bar bya ba'i dbang gis 'jig rten gsum du thabs kyi sku rnam pa gsum du ston par mdzad de/ skye ba lta bu dang / 'tsho zhing bzhugs pa lta bu dang / yongs su
129a8 mya ngan las 'das pa lta bur ston na/ ji ga de bzhin gshegs pa mi rtag pa yin nam/ gsol pa bcom ldan 'das de ni ma lags so/ /bka' stsal pa/ rigs kyi bu de bas na de bzhin gshegs pa ni rtag pa yin
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo