| e-texts navigator |
| བོད་ཡིག |
128b1 ltar gru gang dang gang du sems can sgrol bar 'dod pa de dang der 'gro ba de bzhin du de bzhin gshegs pa yang de dang 'dra ste/ de bas na mnyan pa chen po zhes bya'o/ /de nas de bzhin gshegs pa rtag pa dang brtan pa yin no/ /gru yod na
128b2 mnyan pas sgrol bar byed la/ de bzhin gshegs pa rtag par yod pa dang da dung du sems can sgrol zhing skye bar 'gyur ro/ /rigs kyi bu gzhan yang dper na rgya mtsho chen po'i nang du gru bo che 'gro ba rlung dang phrad na drang por 'gro zhing skad cig tsam
128b3 gyis dpag tshad du mar 'gro la/ gal te rlung dang ma phrad na ni lo du mar yang mal gcig na 'dug pa 'am/ yang na bub par 'gyur ba de bzhin du mi shes pa'i rgya mtsho chen por lhung ba'i sems can rnams kyang yongs su mya ngan las 'das pa
128b4 chen po'i mdo chen po'i rlung gi rgyal po dang phrad na ni gru bzhin du myur ba kho nar byang chub kyi pha rol tu phyin par 'gyur ro/ /gang dag mdo'i rlung gi rgyal po 'di dang ma phrad pa de dag ni gru rgya mtsho chen por bub pa bzhin du 'khor ba'i 'khor
128b5 lor brlag par 'gyur ro/ /rigs kyi bu gzhan yang dper na rgya mtsho chen po 'jigs pa'i gnas su rlung dang ma phrad na de ni shi ba nyid 'di yin no snyam ste/ dkos thag par gyur pa'i sems can rnams mi shes bzhin du rlung gi rgyal pos
128b6 yud tsam gyis khyer nas de dag 'di snyam du sems te/ kye ma bdag cag thar bar gyur pa 'di ni ngo mtshar che'o snyam pa de bzhin du/ mdo chen po 'di'i mdo'i rlung gi rgyal po 'di yang mi shes pa'i rgya mtsho chen po na 'khod pa'i sems
128b7 can byang chub tu sems bskyed mi dgos par 'dzin pa rnams mi shes bzhin du byang chub kyi rgyu la 'god par byed do/ /rigs kyi bu gzhan yang dper na sbrul gyis lpags pa rnying pa bor na ji ga shi ba 'am/ med par song ba yin nam/
128b8 gsol pa/ bcom ldan 'das de ni ma lags so/ /bka' stsal pa/ rigs kyi bu de bzhin du de bzhin gshegs pa yang lpags pa rnying pa 'dor bzhin du thabs kyi sku dug sman gyi sdong po rnying pa spong bar mdzad pa la/ ji ga de
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo