rKTs

e-texts navigator

Volume

Page

127b₁ zhig gis rgyal po chen po mthong nas rgyal po chen po khyod la grongs la thug pa tsam gyi snyun gyis thebs par 'gyur ro zhes lung bstan pa dang / rgyal po des de la bka' stsal pa/ khyod kyis ma mthong bar nad tshabs po che 'byung bar
127b₂ ji ltar shes/ de nas sman pa des rgyal po la gsol pa/ gal te thugs mi ches na sman gsol cig dang mngon no zhes byas na/ 'on kyang rgyal po de sman 'thung du yang ma btub bo/ /de nas sman pa chen po des rig pa'i stobs kyis
127b₃ gzhang kar gzhang 'brum 'thon par byas so/ /de nas rgyal po des gzhang 'brum de dag mthong nas skrag cing mi dga' ste skyi bung zhes byas nas sman pa'i tshig bden no snyam du sems te/ gzhang 'brum 'thon par shes nas kye ma sman pa
127b₄ rig pa'i stobs ngo mtshar to snyam ste/ sman pa de la pha ma la gus par bya ba bzhin du bkur sti byed pa de bzhin du yongs su mya ngan las 'das pa chen po'i mdo sde chen po 'di ni sems bskyed mi dgos par 'dzin pa'i sems can thams
127b₅ cad la yang sman pa chen pos rgyal po la bya ba bzhin du bde blag tu byang chub kyi rgyu la 'jog par byed de/ de dag la rmi lam du 'am 'chi ba'i tshe yang rung ste/ sems can de dag gis mi shes bzhin du byang chub kyi rgyu 'jug par 'gyur ro/ /
127b₆ 'dod chen pa ni ma gtogs te/ sman pa chen pos kyang 'di ni gsor mi rung ngo snyam nas las mi bzad pa dang ldan pa'i 'chi bar 'gyur ba'i nad gso bar mi byed do/ /'chi bar 'gyur ba dang 'dra ba ni 'dod chen pa yin no/ /rigs
127b₇ kyi bu dper na sman pa tshe'i rig byed yan lag brgyad kyi rgyud phyi ma shes pa zhig gis rang gi bu thog mar rgyud kyi yan lag thang dang / chu dang / ri las skyes pa'i sman rnams slob par byed kyis thog ma yan lag slob pa tsam
127b₈ na rgyud phyi ma slob par mi byed de/ gang gi tshe tshe'i rig byed yan lag brgyad bslabs zin pa de'i tshe ni rgyud phyi ma las sngags dang sman grub pa'i las slob par byed pa de bzhin du de bzhin gshegs pa dgra bcom pa yang dag par

_{iiif viewer powered by OpenSeadragon}

127a - 128a

Texts on this page