| e-texts navigator |
| བོད་ཡིག |
127a1 bzhin du lung bstan pa chen po'i lo thog skye ba'i mthar thug pa dang 'dra bar 'gyur te/ 'dod chen pa ni ma gtogs so// // bam po bcu gnyis pa/ rigs kyi bu dper na sman pa chen pos 'byung pos
127a2 zin pa 'am/ sbrul gyis zin pa'i don du sman gyi ri lu 'am/ sman gnod sel rgyang grags mang po zhig tu bskur te/ 'di skad du sman 'di myur du khyer la khyer nas kyang de'i dpyad gyis shig dang / de ltar byas na de'i lha dang / klu dang /
127a3 gnod sbyin dang / srin po'i gdon rnams med par 'gyur ro/ /de ste ma khyer na bdag nyid 'gro bar bya'i der bar ma dor chud zos na mi rung ngo zhes kyang zer la/ de nas sman pa'am/ sman pa'i phrin pa de thag ring po zhig nas mthong nas sngags
127a4 de'i gzi byin dang / mthus gnod pa thams cad zhi bar 'gyur te/ de yang bde bar 'gyur ba de bzhin du yongs su mya ngan las 'das pa chen po'i mdo chen po mthu che ba 'di yi ger bris pa zhig ga zhig gi gnas zhig na yod do/ /zhes dge
127a5 slong ngam/ dge slong ma 'am/ 'di las phyi rol pa gzhan gyis shes sam/ gzhan las thos na de dag gi byang chub kyi rgyur 'gyur la/ pham pa byed pa dang / mtshams med pa'i las byed pa'i 'byung po dang / sha za'i gdon gyis zin
127a6 pa ji snyed kyis thos kyang rung ste/ de dag thams cad kyang sman pa chen po mthong ba bzhin du gnod pa dang bral te byang chub sems dpa' sems dpa' chen por 'gyur ro/ /de ci'i phyir zhe na/ de bzhin gshegs pa rtag pa'i mdo sde chen
127a7 po'i mthu'i rgyus de ltar 'gyur te/ de lta na gang dag gis mdo sde chen po glegs bam la bris pa bklags sam/ thos sam bris kyang rung / de dag lta byang chub sems dpa' sems dpa' chen por ci ste mi 'gyur/ 'dod chen pa
127a8 ni ma gtogs so/ /dper na 'on pas sgra mi thos pa de bzhin du 'dod chen pas kyang mdo sde 'di thos par mi nus te/ de la rgyu med pa'i phyir ro/ /rigs kyi bu gzhan yang dper na sman pa tshe'i rig byed yan lag brgyad kyi rgyud phyi ma shes pa
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo