| e-texts navigator |
| བོད་ཡིག |
121a1 las de bzhin gshegs pa'i snying po rtag par bstan pa'i phyir ro/ /rigs kyi bu gzhan yang skar ma dang srin bu me khyer gyi 'od ni nyi zla'i 'od las 'das te thal ler snang bar mi 'gyur ro/ /nyi zla'i 'od ni 'od
121a2 thams cad las 'das te lam mer 'dug go/ /de bzhin du gzhan gyi 'od rnams ni mdo sde thams cad dang ting nge 'dzin thams cad bsgom par bya ba bsgoms pa'i yongs su mya ngan las 'das pa chen po'i mdo chen po'i 'od las 'das
121a3 te thal ler mi 'dug go/ /yongs su mya ngan las 'das pa chen po'i mdo chen po'i 'od ni 'od thams cad las 'das te thal ler snang la/ sems can thams cad kyi spu drung du zhugs nas byang chub kyi sems mi dgos so
121a4 snyam ste ma bskyed du zin kyang byang chub kyi rgyu nges par thob par 'gyur te/ de bas na ming yang yongs su mya ngan las 'das pa chen po zhes bya'o/ /gsol pa/ byang chub kyi sems mi dgos par 'dzin kyang sems can thams
121a5 cad kyi lus kyi ba spu'i khung bu thams cad du zhugs nas byang chub kyi rgyu mngon par 'grub par 'gyur zhes bgyi ba 'di la gtan tshigs bka' bstsal 'tshal lags so/ /bcom ldan 'das bstan pa 'di la pham pa bgyid pa dang /
121a6 mtshams ma mchis pa bgyid pa dang / mdo sde spong ba dang / 'dod chen pa dag kyang gda' lags na/ gal te sems ma bskyed de mi dgos par 'dzin kyang byang chub pa'i byang chub kyi rgyur 'gyur du lags na sangs rgyas kyis gsungs
121a7 pa la bye brag ci mchis te/ yang na bzhi po de dag ma mchis shes bshad 'tshal lags so/ /yang na des sdig pa 'byang bar 'gyur zhes bshad 'tshal lags so/ /bcom ldan 'das kyis bka' stsal pa/ 'dod chen
121a8 pa ma gtogs par yongs su mya ngan las 'das pa'i mdo chen po 'di rna lam du grag par thos pa tsam gyis kyang thams cad la byang chub kyi rgyu yod par 'gyur te/ sangs rgyas grangs med pa la bkur sti byas pa rnams kyis
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo