| e-texts navigator |
| བོད་ཡིག |
120b1 bcom ldan 'das byang chub sems dpa' sems dpa' chen po rnams ji lta bu lags/ bka' stsal pa/ sems bskyed pa yang rung / sems ma bskyed pa yang rung ste/ byang chub sems dpa' sems dpa' chen po rnams su
120b2 'gyur ro/ /gsol pa de ci lta bu lags/ bka' stsal pa/ rigs kyi bu dper na dgun mar 'khyags pa nyi tshan gyis kyang bzhu mi nus pa de bzhin du mdo sde dang / ting nge 'dzin thams cad bsgom par bya ba bsgoms pa'i
120b3 'bras bu'i sgo nas ni sems bskyed pa rnams kyis kyang byang chub thob par mi 'gyur ro/ /sems ma bskyed pas kyang byang chub thob par mi 'gyur ro/ /de ci'i phyir zhe na/ dgun gyi nyi ma bzhin du brtson 'grus zhan pa'i phyir ro/ /
120b4 mdo sde bsgom par bya ba bsgoms pa'i 'bras bu'i mchog ni dper na so ka'i nyi ma tsha ba'i tshe nyi ma shar bar mtshan mo yang mar shin tu 'khyags pa yang zhu bar byed la rgya mtsho chen po yang dro bar byed do/ /de bzhin du rigs
120b5 kyi bu 'am/ rigs kyi bu mo gang dag gis yongs su mya ngan las 'das pa chen po'i mdo 'di thos ma thag tu 'gran tor byas kyang rung / gzhan gyis byed du bcug kyang rung / gzhan gyis dring 'jog kyang rung / rnyed pa dang /
120b6 bkur sti dang / tshigs su bcad pa'i don du byas kyang rung ste/ bdag la byang chub mi dgos so snyam pa 'am/ sems bskyed par yang mi 'dod du zin kyang gang zag de 'dra ba'i lus kyi ba spu'i khung bu thams cad du byang chub kyi
120b7 rgyus so ka'i nyi ma bzhin du 'jug par 'gyur ro/ /de bas na rigs kyi bu de dag ni byang chub sems dpa' sems dpa' chen po yin no zhes nga zer ro/ /de ltar na byang chub zad mi shes pa'i mdo chen po 'di ni bsod nams kyi
120b8 phung po chen po yin te/ de bas na che ba zhes bya'o/ /snga ba dang yangs pa dang so ka'i nyi ma bzhin du gzi brjid dang ldan pa yin te/ de bas na yongs su mya ngan las 'das pa chen po zhes bya'o/ /de ci'i phyir zhe na/ 'di
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo