| e-texts navigator |
| བོད་ཡིག |
120a1 gyis g.yogs pa bzhin du gzhi gsum 'jig pa lta bur snang mod kyi/ gzhi gsum med par yang mi 'gyur la rtag pa dang / brtan pa dang / ther zug par 'dug bzhin du nyes pa rnams kyis kyang
120a2 gos par mi 'gyur ba 'di ni sangs rgyas rnams kyi chos nyid do/ /rigs kyi bu dper na zla ba yar kyi ngo yang ma yin/ mar gyi ngo yang ma yin pa gnam stong gi nyin par nyi ma dang zla ba med pa'i skabs su gza' mjug rings gzi brjid drag
120a3 po dang ldan pa zhes bya ba shar nas 'jig rten thams cad kyis ma tshor bar skad cig gcig kho na la mi snang bar 'gyur ro/ /rigs kyi bu de bzhin du rang sangs rgyas rnams kyang sangs rgyas rnams mi bzhugs pa'i tshe gnam stong gi nyin
120a4 par gza' mjug rings 'char ba bzhin du byung nas sems can bye ba phrag mang po dam pa'i chos la bkod nas mi snang bar 'gyur la/ mjug rings kyang rtag tu yod de sems can rnams kyis ni mthong bar mi nus so/ /de bzhin du rang sangs
120a5 rgyas rnams kyang rtag tu yod bzhin du de dag sems can rnams kyis mthong bar mi nus te/ bdag nyid yang dag par ston cing mi mngon par byed pa 'di ni de dag gi chos nyid do/ /rigs kyi bu dper na nyi ma shar na lho bur med par 'gyur
120a6 ba de bzhin du yongs su mya ngan las 'das pa chen po'i mdo chen po 'di byung na thos pa tsam gyis kyang pham pa rnams dang / mtshams med pa'i las rnams kyi sdig pa'i phung po myur du med par 'gyur ro/ /de ltar na yongs su mya ngan
120a7 las 'das pa chen po'i mdo chen po bsam gyis mi khyab pa'i yul 'di ni de bzhin gshegs pa'i snying po ston pa yin pa'i phyir dpag tu med do/ /de bas na rigs kyi bu 'am/ rigs kyi bu mo rnams kyis de bzhin gshegs pa rtag go /
120a8 dam pa'i chos nub par mi 'gyur ro/ /dge 'dun med par mi 'gyur ro snyam du mdo'i shes pa la de ltar brtson par bya'o/ /de ltar byas dang de dag kyang nga dang 'dra bar sangs rgyas kyi gnas su gson par 'gyur ro/ /gsol pa/
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo