| e-texts navigator |
| བོད་ཡིག |
11a1 ba btab kyang bcom ldan 'das kyis ma bzhes te cang mi gsung nas de dag re thag chad de langs nas phyogs gcig tu 'khod do/ /gzhan yang de'i tshe klu'i rgyal po phyogs bzhi na gnas pa klu'i rgyal po nor rgyas kyi bu dang
11a2 dga' bo dang / nye dga' bo la sogs pa klu'i rgyal po gang gA'i klung dgu'i bye ma snyed shin tu rings par nyi ma 'char kar lha rnams kyi mchod pa las kyang nyis gyur bas lhag pa'i mchod pa'i yo byad rang rang gi 'byor pa dang 'tsham pa dag khyer
11a3 nas bcom ldan 'das kyi thad du dong ste phyag 'tshal nas/ zhal zas bzhes par gsol ba btab kyang bsam pa bzhin du ma grub nas langs te phyogs gcig tu 'khod do/ /gzhan yang de'i tshe rnam thos kyi bu la sogs pa gnod sbyin
11a4 gyi bdag po g.yog 'khor dang bcas pa gang gA'i klung bcu'i bye ma snyed gcig la gcig 'jus nas rang rang gi mchod pa rnams kyis klu'i rgyal po rnams kyi mchod pa snga ma zil gyis mnan nas/ tshogs chen po dang chas te lhags nas/
11a5 bcom ldan 'das la phyag 'tshal te zhal zas bzhes par gsol ba btab kyang bcom ldan 'das kyis zhal zas ma bzhes nas yid mi dga' ste langs nas phyogs gcig tu 'khod do/ /gzhan yang de'i tshe nam mkha' lding gi bdag po
11a6 dgra'i 'dza' bo zhes bya ba la sogs pa nam mkha' lding gi rgyal po gang gA'i klung nyi shu'i bye ma snyed kyis rang rang gi mchod pas gnod sbyin gyi rgyal po snga ma dag gi mchod pa rnams zil gyis mnan nas/ bcom ldan 'das la phyag
11a7 'tshal te zhal zas bzhes par gsol ba btab kyang zhal zas ma bzhes nas yid mi dga' ste langs nas phyogs gcig tu 'khod do/ /gzhan yang de'i tshe dri za'i bdag po mis byin gyi bu la sogs pa dri za'i bdag po gang gA'i klung sum
11a8 bcu'i bye ma snyed kyis mchod pa snga ma thams cad pas kyang ches mchog tu gyur pa'i mchod pa rnams khyer te 'ongs nas de bzhin gshegs pa la mchod pa byas te/ rol mo snyan dgu byas nas phyag 'tshal te bcom ldan 'das la
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo