| e-texts navigator |
| བོད་ཡིག |
119b1 mdo'i sde tshan gyi phan pa'i gdams ngag ston pa gang yin pa de dag ni dbyar gyi nam gyi sprin dang 'dra ste/ byang chub sems dpa' sems dpa' chen po yin par rig par bya'o/ /nyan thos dang rang sangs rgyas rnams ni dgongs
119b2 pa'i tshig thos na dgun gyi grang nad kyis thebs pa dang 'dra ste/ de'i phyir ngas sku tshe thung ba dang nges par myong bar 'gyur ba yang dag par bstan to/ /sangs rgyas kyi tshe bstan pa sangs rgyas kyi gnas rgya chen po las ni so ka'i nyi ma
119b3 bzhin du ngas rtag pa dang brtan par bstan to/ /nga ni nyi ma bzhin du gang du yang ltung ba med de/ nyi zla'i chos nyid kyang spyod do/ /de ltar na de bzhin gshegs pa ni 'jig rten gsum du yang dag par snang ste/ 'di ni sangs
119b4 rgyas rnams kyi chos nyid do/ /rigs kyi bu gzhan yang pa ba sangs dang / phur bu dang / mig dmar dang / mjug rings dang / gza' lhag la sogs pa nyi ma dang zla ba gnyis dang lhan cig 'gro ba na sems can
119b5 rnams kyis blta bar mi nus la de dag kyang ldog par yang mi 'gyur/ ltung bar yang mi 'gyur te/ de dag gi 'od ches cha phra la nyi ma dang zla ba'i 'od shin tu che bas zil gyis non pa'i phyir ro/ /de bzhin du de bzhin gshegs
119b6 pa ni rtag tu nyan thos dang rang sangs rgyas kyi gza'i tshogs rnams dang lhan cig tu skye ba lta bur yang ston la yongs su mya ngan las 'da' bar yang ston mod kyi/ nyan thos dang rang sangs rgyas de dag mi rtag pa yang ma yin
119b7 mi brtan pa yang ma yin te/ de dag ni rtag pa dang brtan pa yin bzhin du nyin par gyi gza' dang 'dra bar sems can gyis mthong bar mi nus so/ /nyi ma dang 'dra ba 'di ni rang sangs rgyas rnams kyi chos nyid yin no/ /dper na nyi ma dang zla
119b8 ba sprin gyis g.yogs pa'i tshe mi snang ste/ sems can rnams kyis mi snang ngo snyam du 'dzin mod kyi/ de gnyis med par yang mi 'gyur ro/ /rigs kyi bu de bzhin du de bzhin gshegs pa 'jig rten na mi bzhugs pa'i tshe nyi zla sprin
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo