| e-texts navigator |
| བོད་ཡིག |
119a1 bdag gi bdud bye ba snyed kyang ston pa dang / skyes pa'i rabs stong snyed kyang ston pa dang / 'jig rten dang 'thun par bya ba mang po dag ston par shes so/ /de ltar na de bzhin gshegs pa ni dpag tu med
119a2 pa yin te/ de bas na rtag pa dang brtan pa yin no/ /dper na zla ba ni sems can thams cad kyi yid du 'ong zhing blta na sdug pa yin pas na de'i phyir ming zla ba zhes bya'o/ /'dod pa'i dbang du gyur pa 'dod chags dang / zhe sdang
119a3 dang / gti mug spyod pa rnams kyi yid du 'ong ba ni ma yin no/ /de bzhin du de bzhin gshegs pa dgra bcom pa yang dag par rdzogs pa'i sangs rgyas kyang rang bzhin gyis sems can chos 'dod pa rnams kyi yid du 'ong ba dang
119a4 mchog tu blta na sdug pa yin no/ /sdang ba'i sems dang ldan pa gzhan dag gi yid du 'ong ba ni ma yin te/ de bas na de bzhin gshegs pa zla ba dang 'dra ba yin no/ /dper na nyi ma dus tshigs gsum du 'gyur zhing 'pho ste/ dgun dang / dbyar dang so ka'i dus gsum du rgyu bar byed
119a5 la dgun ni nyi ma myur ba kho nar 'gro'o/ /dbyar ni nyi ma 'bring tsam du 'gro'o/ /sos ka'i ni nyi ma ring du thogs shing 'gro ste 'od shin tu tsha'o/ /de bzhin gshegs pa yang 'jig rten gsum du skye ba rnam pa gsum ston par
119a6 mdzad de/ sems can tshe thung ngu rnams kyi nang du ni mchog tu sku tshe thung bar ston te/ sems can rnams kyis sangs rgyas sku tshe thung ngo snyam du 'dzin to/ /nyan thos kyi theg pa pa rnams la ni dgun gyi nyi ma bzhin du sku tshe
119a7 thung bar ston to/ /byang chub sems dpa' sems dpa' chen po rnams la ni dbyar gyi nyi ma bzhin du sku tshe 'bring du ston to/ /sangs rgyas rnams la ni so ka'i nyi ma bzhin du bskal pa'am bskal pa las lhag par bzhugs
119a8 par snang ngo / /rigs kyi bu theg pa chen po 'di las dgongs pa'i tshig de bzhin gshegs pa'i gsang ba'i dam pa'i chos kyi char ngas yang dag par bstan par bya ste/ ma 'ongs pa'i dus na dam pa'i chos theg pa chen po'i
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo