| e-texts navigator |
| བོད་ཡིག |
118b1 chud nas mtshams med pa'i las yang dag par ston par mdzad do/ /de ltar na de bzhin gshegs pa ni ma 'ongs pa'i don gyi phyir las kyi rnam par dbye ba ston par mdzad do/ /dper na sman pa la la zhig gis rang gi bu la rtsa ba'i
118b2 ming gi rnam grangs slob par byed de/ 'di ni rtsa ba lnga'o/ /'di ni kha ba'o zhes rtsa ba'i rnam par dbye ba dag gi sgo nas ngo ston par byed de/ khye'u des kyang de ltar bslabs nas rtsa ba'i rnam par dbye ba shes par gyur la/ de nas sman pa de shi
118b3 nas khye'u de na re kyi hud pha cig kyi hud pha cig khyod kyis bdag rtsa ba'i rnam par dbye ba bslabs te rtsa ba 'di ni 'di 'dra'o/ /lo ma ni 'di 'dra'o zhes de skad zer ba de bzhin du de bzhin gshegs pas kyang bslab pa'i gzhi thams cad kyi sprul pa
118b4 sprul par mdzad de/ gsor rung ba dang / gsor mi rung ba dang / mtshams med pa dang / mdo sde spong ba dang / 'dod chen pa'i mtha' rnams ston par mdzad de/ ma 'ongs pa'i dus na 'di lta bur 'gyur ro zhes bya ba'i
118b5 don to/ /de nas de bzhin gshegs pa yongs su mya ngan las 'das nas dge slong rnams kyis sman pa'i bu bzhin du de bzhin gshegs pas mdo sde las 'di skad ces bka' stsal te/ las 'di ni 'di yin no snyam du shes so/ /
118b6 dper na zla ba la gza' 'jug pa na mi rnams kyis ni zla ba drug cing zla ba la gza' 'jug par shes so/ /steng gi lha rnams kyis ni nyin gcig bzhin du zla ba la gza' 'jug pa shes te/ ci'i phyir zhe na/ de dag gi lo tshigs ring la
118b7 mi rnams kyi lo tshigs thung ba'i phyir ro/ /rigs kyi bu de bzhin du lha rnams dang mi rnams kyis ni de bzhin gshegs pa sku tshe thung ngo snyam du 'dzin to/ /ji ltar lha gong ma gong ma rnams kyis skad cig skad cig la zla ba la gza'
118b8 'jug par 'dzin pa de bzhin du/ lha gong ma gong ma rnams kyis skad cig skad cig la de bzhin gshegs pa yongs su mya ngan las 'da' ba bye ba snyed kyang ston par mdzad do/ /nyon mongs pa dang / phung po dang lha dang / 'chi
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo