rKTs

e-texts navigator

Volume

Page

118a₁ rigs kyi bu gzhan yang dper na zla ba dang lha ma yin gyi dbang po sgra gcan phrad pa'i tshe 'jig rten pa rnams kyi zla ba gzas zin to snyam du 'dzin te/ sgra gcan ni zla ba la 'dzin par yang mi byed la/ des ni de la za bar yang mi nus te
118a₂ sgra gcan gyi lag pas zla ba bsgribs nas 'od mi snang bar byed par zad de/ zla ba la rma yang med/ nyon mongs pa yang med do/ /ji tsam du sgra gcan gyi lag pas zla ba bkab pa de tsam du zla ba'i 'od mi snang bar 'gyur la/ sgra gcan gyis zla ba
118a₃ btang ba'i tshe ni kha nas byung ba lta bur snang ste/ mi rnams kyis zla ba ni sdug bsngal zhing 'dug go snyam du 'dzin to/ /zla ba ni rang bzhin kho nar 'dug bzhin du bdag nyid sgra gcan dang lhan cig 'dug par ston te/ 'di ni 'jig rten gyi chos nyid
118a₄ do/ /sgra gcan bye ba snyed kyis kyang zla ba gsad pa'am gzhig par mi nus te zla ba rang nyid de ltar ston to/ /de bzhin du de bzhin gshegs pa dgra bcom pa yang dag par rdzogs pa'i sangs rgyas nyid zla ba lta bur ston par mdzad de/ ma 'ongs
118a₅ pa'i dus kyi don du ngan sems kyis khrag phyung ba'i mtshams med pa'i las bstan pa'i phyir de la sogs pa'i 'dod chen pa'i mtha' dang dge 'dun gyi dbyen gyi chos tha dad pa yang ston par mdzad do/ /de bzhin gshegs pa'i sku la ni
118a₆ bdud bye ba phrag 'bum gyis kyang khrag dbyung bar mi nus la/ de bzhin gshegs pa'i sku la ni khrag dang / rus pa dang / rgyus pa yang med de/ sdug bsngal ba'i bag kyang med do/ /sems can rnams kyis ni gzhi gsum ma rung ngo / /
118a₇ de bzhin gshegs pa la rma byung ngo snyam du 'dzin to/ /de bzhin gshegs pa ni rang bzhin kho nar bzhugs mod kyi/ de ltar 'jig rten dang 'thun par ston to/ /'di lta ste mi la las mi zhig la 'breng pa'am dbyug pas bsnun te
118a₈ khrag phyung ba'am/ gsad pa'i sems kyis de bsad nas/ de'i 'og tu de bzhin gshegs pas las de btsan par mdzad par dgongs te de bzhin gshegs pa la ngan sems kyis khrag phyung ba na/ mi de'i sems thugs su

_{iiif viewer powered by OpenSeadragon}

117b - 118b

Texts on this page