| e-texts navigator |
| བོད་ཡིག |
117b1 tsam du 'dzin to/ /rab rnams kyis ni zla ba dpag tshad lnga bcu pa tsam la zlum po yin par shes so/ /dud 'gro rnams kyis ni zla ba srin bu me khyer tsam du mthong ste/ skye gnas thams cad dang ldan pa'i dud 'gro rnams kyis zla ba la rang
117b2 rang gi rnam par shes pas brtags nas so sor mthong ngo / /de bzhin du de bzhin gshegs pa yang 'jig rten du byung na thams cad du snang ste/ sems can kha cig gis de bzhin gshegs pa zla ba dang 'dra bar 'dzin te/ bdag la
117b3 thugs brtse ba'i phyir bdag gi khyim gyi phugs na bzhugs so snyam mo/ /dud 'gro rnams kyis ni rang rang gi skye gnas kyi lus lta bur mthong ngo / /sems can lkug pa rnams kyis ni de bzhin gshegs pa lkug par mthong ngo / /
117b4 'on pa dang lag rdum rnams kyis kyang bdag nyid dang 'dra bar mthong ngo / /skad dang / 'du shes dang / yi ge tha dad pa rnams kyis kyang bdag cag dang 'dra'o snyam du 'dzin te bdag gi skad du smra'o/ /bdag gi 'du shes dang 'thun no/ /bdag
117b5 gi kha zas za'o snyam du 'dzin to/ /lus che ba rnams kyang de bzhin gshegs pa ni bdag cag dang 'dra'o snyam du 'dzin to/ /kha cig gis ni nyan thos dang rang sangs rgyas yin no snyam du 'dzin to/ /kha cig gis ni ya mtshan can thams
117b6 cad kyi nang du rab tu byung bar mthong ngo / /kha cig gis ni de bzhin gshegs pa bdag cag gi phyir 'jig rten du byung ngo snyam du 'dzin to/ /dper na zla ba rang bzhin du gnas pas so so'i rang bzhin du thams cad mgu bar byed pa de
117b7 bzhin du/ de bzhin gshegs pa yang chos kyi sku yin bzhin du thabs kyi sku dug sman gyi sdong po dang 'dra bar 'dzin cing sems can rnams mgu bar mdzad de/ 'jig rten thams cad dang 'thun par mdzad pa dag gis skyes
117b8 pa'i rabs stong phrag mang po ston par mdzad do/ /de bas na de bzhin gshegs pa ni thams cad du skye ba ston pa'i phyir skyes pa'i rabs kyi zla ba zhes bya'o/ /de bas na de bzhin gshegs pa rtag pa dang brtan pa yin no/ /
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo