| e-texts navigator |
| བོད་ཡིག |
117a1 ba phyed yin par 'dzin te/ zla ba ni phyed du 'gyur zhing 'char ba yang med/ ltung ba yang med de/ zla ba ni ri rab kyi rkyen gyis de ltar snang ngo / /rigs kyi bu de bzhin du de bzhin gshegs pa dgra bcom pa yang dag par
117a2 rdzogs pa'i sangs rgyas kyang 'dzam bu'i gling la lar ni yongs su mya ngan las 'da' ba lta bur snang ste/ sems can rnams kyis de bzhin gshegs pa yongs su mya ngan las 'das so snyam du 'dzin to/ /'dzam bu'i gling la lar ni zla ba tshes
117a3 pa bzhin du skye ba lta bur snang ste/ sems can rnams kyis khye'u 'di skyes so snyam du 'dzin to/ /zla ba tshes gnyis dang 'dra bar ni lha'i thad du 'gro bar 'dzin to/ /zla ba tshes gsum dang 'dra bar ni yi ge slob pa'i sar 'gro bar 'dzin to/ /zla ba
117a4 tshes brgyad lta bur ni rab tu 'byung bar ston to/ /zla ba nya ba lta bur ni 'od kyis mun pa bsal ba bzhin du bdud bye ba snyed brlag nas lam mer bzhugs so/ /zla ba nub pa lta bur ni yongs su mya ngan las 'da' bar ston te/ zla ba gza' rnams
117a5 kyis bskor ba bzhin du mtshan sum bcu rtsa gnyis dang dpe byad bzang po brgyad bcus brgyan to/ /der kha cig gis ni lhung bar 'dzin/ kha cig gis ni skye bar 'dzin la skyes pa yang med 'gags pa yang med de/ de bzhin gshegs
117a6 pa ni zla ba nya ba bzhin du dus thams cad du rtag pa yin no/ /de bas na de bzhin gshegs pa rtag pa dang brtan pa zhes bya'o/ /dper na zla ba ni thams cad du snang ste/ chu dang dgon pa dang khyim dang grong khyer dang / chu ra chus gang ba rnams dang khron
117a7 pa dang / gzhan yang dpag tshad stong srid du yang rung sems can rnams gang du 'gro ba de dag thams cad du snang ste/ der byis pa rnams kyis yid la zla ba 'di ni bdag kho na'i phyi bzhin 'ba' shig tu 'ong ngo snyam du 'dzin to/ /gang gi tshe
117a8 khyim gyi nang du mthong ba de'i tshe ni da ni 'di na snang na zla ba 'di de nyid yin nam/ 'on te gzhan zhig yin zhig gu snyam du rtog go/ /de la byis pa kha cig gis ni zla ba chu ra tsam du 'dzin to/ /bar ma rnams kyis ni shing rta'i 'phang lo'i tshad
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo