| e-texts navigator |
| བོད་ཡིག |
116a1 yin no zhes nga zer ro/ /nyon mongs pa'i rnam pa'i 'du byed rnams gang yin pa'i chos de dag ni mi rtag pa zhes bya'o/ /de bas na chos kha cig ni mi rtag pa'o zhes ngas bstan to/ /rgyu des na/ shes rab
116a2 ldan pa ri kar 'dug pa yis/ /byis pa sa la 'dug pa legs par mthong / /shes rab khang bzangs steng na 'dug pa yis/ /mya ngan med kyang skye dgu mya ngan mthong / /zhes bya ba lta bu ste/ de ltar nyon mongs pa'i rnam pa bcad nas
116a3 shes rab can ri ka na gnas pas nyon mongs pa'i rnam pa dang 'brel ba'i byis pa mthong ba bzhin no/ /gsol pa/ shes rab khang tog mchis pa gang dag lags/ /mya ngan ma mchis gang lags 'jig rten na/ /mya ngan ma mchis
116a4 mya ngan 'das pa la/ /mya ngan dag ni ji ltar mchis par 'gyur/ /gal te sangs rgyas bcom ldan 'das yongs su mya ngan las 'das na byis pa rnams kyis ji ltar mthong lags/ shes rab kyi khang bzangs kyi steng du yang ji ltar
116a5 bzhugs lags/ mi ri ka na mchis pas ni mthong du rung ste/ 'di ni mchis na gdod rung ba lags na yongs su mya ngan las 'das pas ji ltar mthong lags/ bka' stsal pa/ shes rab kyi khang bzangs ni mya ngan las
116a6 'das pa'o/ /mya ngan med pa ni de bzhin gshegs pa'o/ /mya ngan gyi shas che ba ni skye dgu rnams yin te/ de dag ni mya ngan can yin la de bzhin gshegs pa ni mya ngan med pa'o/ /ri zhes bya ba ni thar pa yin te
116a7 ri rab bzhin du brtan pa'i phyir ro/ /sa zhes bya ba ni 'du byed rnams so/ /byis pa thams cad ni sa la 'khod pa'o/ /shes rab can zhes bya ba ni rdzogs pa'i sangs rgyas kyi don te/ de bzhin gshegs pa ni mya ngan med cing brtan pa'i
116a8 phyir ro/ /sangs rgyas ni mya ngan can gyi nang na mya ngan med pa ste/ sems can rnams kyi mya ngan gyi zug rngu sel ba ste/ /gsol pa/ gal te de bzhin gshegs pa mya ngan las ma 'das na ni da dung mya ngan mnga' ste/ rdzogs par
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo