| e-texts navigator |
| བོད་ཡིག |
115b1 'du byed spangs pa'i phyir bde ba dang ldan no/ /gsol pa/ de ji lta bu lags/ bka' stsal pa/ ji lta ba bzhin no/ /gsol pa mya ngan las 'das pa thob pa'i sems can rnams ji ltar de bde ba lags/ bka' stsal pa/ rigs
115b2 kyi bu ngas bstan pa la rga ba dang 'chi ba ni 'du byed rnams las byung ba'o/ /bag yod pa ni 'chi ba med pa'i gnas so/ /bag med pa ni 'chi ba'i gnas so/ /bag yod pa dang ldan pa rnams ni 'chi bar mi 'gyur ro/ /bag med pa dang ldan pa
115b3 rnams ni rtag tu shi ba dang 'dra'o/ /bag med pa dang ldan pa gang yin pa de ni 'du byed yin te de ni mchog tu sdug bsngal ba'o/ /mya ngan las 'das pa ni 'chi ba med pa'o/ /bag med pa dang ldan pa rnams ni 'du byed du gyur pa yin te de
115b4 dag ni mchog tu sdug bsngal ba'o/ /mya ngan las 'das pa gang yin pa de dag ni 'chi ba med pa yin no zhes nga zer ro/ /bag yod pa dang ldan pa gang yin pa de dag ni 'du byed du gyur pa ma yin te/ de dag ni 'du byed rnams la spyod
115b5 kyang rga ba med pa dang / 'chi ba med pa dang / gzhig tu med pa zhes nga zer ro/ /de la bag med pa dang ldan pa rnams ni gang yin/ bag yod pa dang ldan pa rnams ni gang yin zhe na/ 'jig rten pa rnams ni bag med pa dang ldan pa yin te
115b6 shi ba dang 'dra'o/ /'jig rten las 'das pa rnams ni rga ba med pa dang 'chi ba med pa'o/ /bag yod pa dang ldan pa rnams ni mya ngan las 'das pa mchog tu bde ba thob pa'o/ /de bas na chos kha cig ni sdug bsngal la chos kha cig ni
115b7 bde ba yin no zhes ngas bstan to/ /chos kha cig ni bdag med la chos kha cig ni bdag yod pa ni dper na sa la 'dug pa'i mi lha'i mig med pas nam mkha' la bya 'phur ba'i rjes mi mthong ba de bzhin du/ nyon mongs pa la gnas pa rnams
115b8 kyis bdag nyid la snying po'i mchog yod pa bdag gis mi mthong ste/ de bas na ngas dgongs pa'i tshig gis bdag med do zhes bstan to/ /lha'i mig med pa'i mi rnams kyis ni bdag la bdag yod du zin kyang mi mthong ste nyon mongs pa
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo