| e-texts navigator |
| བོད་ཡིག |
113a1 de dag slad kyis ma mchis par mi 'gyur lags sam/ de dag slad kyis ma mchis par mi 'gyur ba de bzhin du de bzhin gshegs pa rtag pa zhes bgyi lags sam/ bka' stsal pa/ de bzhin gshegs pa ri rab bzhin
113a2 zhes dper blang mod kyi/ ri'i rgyal po ri rab kyang 'jig pa'i bskal pas 'jig par 'gyur ba de bzhin du de bzhin gshegs pa la khyod de ltar ma 'dzin cig /mya ngan las 'das pa ma gtogs par 'jig rten thams cad na 'jig par mi 'gyur ba
113a3 cung zad kyang med kyis 'jig rten dang 'thun pa'i tshul gyis kun rdzob kyi tha snyad kyi rjes su 'jug par gyis shig / gsol pa/ bcom ldan 'das legs so/ legs so/ /bka' stsal pa/ rigs kyi bu de bzhin du mdo sde thams cad
113a4 dang / ting nge 'dzin thams cad kyi bsgom pa bsgoms pa'i 'bras bu yongs su mya ngan las 'das pa chen po'i mdo sde chen po 'di sems can rnams kyis nam ma thos kyi bar du ni mi rtag pa'i khongs su 'dus so/ /mdo sde rin po che 'di thos
113a5 nas ni rigs kyi bu 'am/ rigs kyi bu mo rnams nyon mongs pa dang bcas pa yin du zin kyang nyon mongs pa med pa'i khongs su 'dus la sems can thams cad la phan 'dogs par yang 'gyur te/ ci'i phyir zhe na/ bdag la de bzhin
113a6 gshegs pa'i snying po yod par shes pa'i phyir ro/ /mchog tu rtag par shes nas kyang de dag 'jug par 'gyur ro/ /rigs kyi bu gzhan yang dper na shing a mra 'am shing ta la yang rung ste/ me tog gi dus nas 'bras bu'i dus kyi bar
113a7 du ni mi rtag pa'i chos kyi khongs su 'dus so/ /'bras bu smin par gyur nas ni sems can thams cad la phan 'dogs par 'gyur te/ rtag pa'i chos kyi khongs su 'dus par 'gyur ro/ /rigs kyi bu de bzhin du mdo sde thams cad dang /
113a8 ting nge 'dzin thams cad kyi bsgom pa bsgoms pa'i 'bras bu yongs su mya ngan las 'das pa chen po'i mdo sde chen po 'di sems can rnams kyis nam ma thos kyi bar du ni mi rtag pa'i khongs su 'dus so/ /mdo sde rin po che 'di thos nas ni
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo