| e-texts navigator |
| བོད་ཡིག |
110a1 zla ba nya ba bzhin du dri ma med cing rnam par dag pa'o/ /bstan pa 'di ni bcom ldan 'das kyi'o/ /'di ni byos shig /'di ni don med pa'o/ /'di ni bdud kyis smras pa'o/ /'di ni sangs rgyas kyis gsungs pa'o
110a2 snyam du nyams su myong bar bya ba'i don to/ /i zhes bya ba ni dbang phyug ste/ nga'i bstan pa ni dbang phyug dang / dbang phyug chen po dang / tshangs pa dang / shin tu dkon pa'o/ /dbang phyug ni chos skyong ba ste chos skyong bas na rgyal po'o/ /de'i phyir
110a3 de la 'jig rten skyong ba zhes bya'o/ /yongs su mya ngan las 'das pa chen po'i mdo chen po 'di ni sems can gzhan dag gi don gyi phyir dbang phyug rnams kyis zhus so/ /dbang phyug rnams kyis yongs su bzung ngo / /dbang phyug rnams kyis
110a4 bshad do/ /dbang phyug rnams kyis dam pa'i chos mchog tu 'bar bar byed do/ /dbang phyug rnams kyi phyir ngas bstan te/ ngas ci bstan ce na/ yongs su mya ngan las 'das pa chen po'i mdo bstan to/ /de bas na dbang phyug dang ldan pa rnams
110a5 kyi shin tu rgyas pa yin te/ 'di la phrag dog byed pa rnams ni zhing la zhing gi ngo bsal ba bzhin du tshar gcad par bya'o/ /de la sogs pa'i don du ma rgyas par byed pas na/ de'i phyir ngas i zhes bya ba bstan to/ /u zhes bya ba ni rgyud phyi ma
110a6 ste/ mdo sde 'dis mdo sde thams cad kyi don gyi phyi ma'i yang phyi ma bstan to/ /ngas nyan thos dang rang sangs rgyas thams cad kyis sngon ma thos pa'i yi ge gcig pa'am thig le gcig bstan to/ /mdo sde chen po 'di ni mchog dam pa
110a7 yin te/ dper na byang gi sgra mi snyan gyi sems can rnams bsod nams dang ldan pa de bzhin du mdo sde chen po 'di nyan pa gang yin pa de dag ni 'jig rten las 'das pa ste/ de dag ni byang chub sems dpa' sems dpa' chen po yin par rig
110a8 par bya'o/ /de bas na che ba zhes bya ste rgyud phyi ma zhes bya ba'i don to/ /de bas na u zhes bya ba ni ba'i nu sor lta bu'i don te/ dper na ba'i 'o ma zhim pa bzhin du mdo 'di'i ro yang de dang 'dra'o/ /mdo sde 'di las de bzhin gshegs pa'i snying
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo