| e-texts navigator |
| བོད་ཡིག |
109b1 yi ge'i sgra bcu bzhi zhes bya ba gang gi mi phyed pa'i don gang yin zhe na/ mi zag pa'i don to/ /yi ge zhes bya ba ni de bzhin gshegs pa'i don to/ /de bzhin gshegs pa ni rdo rje'i sku mi phyed pa yin te/ de bzhin gshegs pa
109b2 la sgo dgu nas 'jig ces bya ba yang med la sgo dgu po nyid kyang med do/ /de bas na mi zag pa'i don ni de bzhin gshegs pa ste/ nges pa yin pa'i phyir yi ge zhes bya ste byas pa ma yin pa'i don to/ /a zhes bya ba ni bkra shis kyi don te gzhi
109b3 gsum zhes bya ba'i tha tshig go/ /yang a zhes bya ba ni 'phags pa rnams kyi ye shes kyi tshig bla dgas so/ /'phags pa gang dag yin zhe na/ 'jig rten na phyug pa dang / chags pa med pa dang / rung ba thams cad kyis chog par
109b4 'dzin pa gang yin pa rnams dang / sems can thams cad srid pa'i rgya mtsho thams cad las nges par sgrol ba gang yin pa de dag la ni 'phags pa zhes bya'o/ /a zhes bya ba ni chos lugs su ston pa ste/ cho ga dang / spyod yul dang
109b5 'dul ba dang / 'jig rten dang 'thun par 'jug pa zhes bya bas na don tha dad pa ma yin no/ /yang a zhes bya bas don ci zhig rgyas par byed ce na/ 'phags pa rnams la brten nas sems can thams cad kyis cho ga dang / spyod
109b6 yul dang / pha ma dang / slob dpon dang / 'dul ba dang gces pa yin par shes shing 'di ni chos nyid yin no snyam du shes par 'gyur ba'o/ /'phags pa gang yin pa de dag ni rigs kyi bu'am/ rigs kyi bu mo theg pa chen po la
109b7 zhugs pa rnams te/ dge slong tshul khrims dang ldan pa rnams dang byang chub sems dpa' sems dpa' chen po de dag la 'phags pa zhes bya'o/ /yang a zhes bya ba ni khrims su ston pa ste/ khrims zhes bya ba ni kye mi khyod tshur
109b8 shog / khyod kyis tshul ma yin pa byas kyis phyin cad de ltar ma byed cig ces bya ba de lta bu tshul ma yin pa rnams de'i tshe dran par byed pa'i don to/ /i zhes bya ba ni 'di zhes bya ba'i don te/ bstan pa 'di ni tshangs par spyod pa
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo