rKTs

e-texts navigator

Volume

Page

106a₁ shes rab can rnams kyis ni gnyis su med par shes so zhes gsungs te de ni shes rab can rnams kyi rang bzhin yin no/ /byis pa rnams ni chos thams cad sdug bsngal ba dang bde ba tha dad pa gnyis su sgom par byed
106a₂ do/ /shes rab can rnams ni gnyis su med par sgom mo zhes gsungs te de ni shes rab can rnams kyi rang bzhin yin no/ /byis pa'i blo can rnams ni de bzhin gshegs pa'i snying po la 'dus byas thams cad mi rtag pa'o zhes sgom par byed do/ /
106a₃ shes rab can rnams kyis ni gnyis su med par shes so zhes gsungs te de ni shes rab can rnams kyi rang bzhin yin no/ /byis pa rnams ni sangs rgyas kyis bdag med par gsungs pa la chos thams cad bdag med par 'dzin to/ /shes
106a₄ rab can rnams kyis ni bdag yod pa dang bdag med pa gnyis su med par shes te de ni shes rab can rnams kyi rang bzhin yin no/ /de bzhin gshegs pa'i snying po dpag tu med pa sangs rgyas kyis bsngags pa ni bsod nams thams cad
106a₅ bsdus pa'i mdo las ngas bstan te bdag yod pa dang bdag med pa gnyis su med par bzung bar bya'o/ /rigs kyi bu bsod nams thams cad bsdus pa'i mdo dang / shes rab kyi pha rol tu phyin pa'i mdo chen po las gnyis su med pa la
106a₆ 'jug pa'i snang ba de nyid las bdag yod pa dang bdag med pa gnyis su med par ngas bstan pa de rjes su dran par gyis shig / // bam po bcu pa/ dper na 'o ma las zho byung / zho las mar byung / mar las zhun mar byung /
106a₇ zhun mar las mar gyi snying khu 'byung na/ de la ci zho de 'o ma'i dngos po dang mgo mnyam du byung ngam/ 'on te zho rang nyid byung ngam/ de bzhin du ci mar de zho'i dngos po dang / mgo mnyam du byung ngam/ 'on te mar rang nyid byung ngam/ de bzhin du ci
106a₈ zhun mar de mar gyi dngos po dang mgo mnyam du byung ngam/ 'on te zhun mar rang nyid byung ngam/ de bzhin du ci mar gyi snying khu de zhun mar gyi dngos po dang mgo mnyam du byung ngam/ 'on te mar gyi snying khu rang nyid byung ngam/ 'on te snum de gzhan

_{iiif viewer powered by OpenSeadragon}

105b - 106b

Texts on this page