rKTs

e-texts navigator

Volume

Page

103b₁ bar sangs rgyas kyi khams dang mchod rten la phyag bya'o/ /phyag byed mi 'dod pa'i sems can thams cad kyi mchod rten lta bur bdag gyur cig /bdag gi lus sems can thams cad kyis phyag bya ba'i gnas su gyur cig /bdag chos la
103b₂ skyabs su song nas chos kyi skur gyur cig / de kho na nyid ma yin pa'i chos sgom pa'i sems can thams cad bdag gis mda' gcig nas gcig tu brgyud pa bzhin du byed par gyur cig /bdag dge 'dun la skyabs su song nas sbrang bu dang 'dra
103b₃ ba'i dge 'dun rnams kyi skyabs lta bur gyur cig / bdag skyabs su 'gro ba la 'jug pa'i tshul gyis sems can rnams kyi sangs rgyas dang / chos dang / dge 'dun lta bur gyur cig /bdag dmus long dang 'dra ba'i dge 'dun rnams kyi mig
103b₄ lta bur gyur cig / bdag la nyan thos dang rang sangs rgyas sbrang bu dang 'dra ba thams cad skyabs su 'ong bar shog shig ces gyis shig /rigs kyi bu de ltar na byang chub sems dpa' sems dpa' chen po rnams ni byis pa rnams la sdig pa'i
103b₅ phung po zad mi shes pa lta bu yang yin no/ /mkhas pa rnams ni de dag nyid sangs rgyas lta bu yang yin no/ /dper na dpa' bo yang dag pa ni g.yul du 'thab pa na 'di snyam du sems te/ bdag gis dpa' bo thams cad pham par byas nas thams
103b₆ cad bdag la skyabs su 'ong bar bya'o snyam du sems pa dang / dper na rgyal po'i bu ni rgyal po brje ba'i skabs su rgyal po'i bu thams cad las 'das par byas te bdag gis rgyal po bya'o/ /bdag rgyal po'i bu thams cad kyi mnga' bdag tu 'gyur bar bya'o/ /
103b₇ bdag la de dag skyabs su 'ong bar bya'o/ /bdag gis dman pa'i sems bskyed par mi bya'o snyam du sems pa lta bu ste/ dpa' bo rnams dang / rgyal po dang / blon po yang rung ste/ shin tu mchog tu gyur pas khyad par du 'phags pa de lta bu'i
103b₈ rang bzhin can rnams ni rang gi yon tan dang 'tsham pa'i bya ba sgrub par byed do/ /rigs kyi bu de bzhin du byang chub sems dpa' sems dpa' chen po ni gzhi gsum las 'da' bar 'gyur ba'i sems dang ldan pa yin no/ /de bas na rgyal

_{iiif viewer powered by OpenSeadragon}

103a - 104a

Texts on this page