rKTs

e-texts navigator

Volume

Page

100a₁ gal te de lta na ni mi g.yul du mchis pa'i rna ba dang sna chad na bdag de'i yang nying lag nyams par 'gyur ba'am/ lag rdum du 'gyur ba'i rigs lags so/ /bka' stsal pa/ rigs kyi bu dper na rgyal
100a₂ po la la zhig gi gyad gyi 'phral ba'i smin mtshams su rin po che rdo rje btags pa las gyad de gyad gzhan zhig dang stobs 'gyed de/ de gnyis lugs bzhin du 'gyed pa las gyad gcig shos kyi mgo bos brdungs te gyad de'i 'phral ba
100a₃ snad par byas nas smin mtshams kyi rgyan ril gyis nang du nub par byas na/ gyad des ma tshor te bdag gis rdo rje gar gzhag zhig gu snyam ste/ des sman pa bkug nas rma kha 'chos su bcug go/ /sman pa de yang thabs mkhas shing yid
100a₄ rno ba zhig ste/ rma 'di ni nor bu de las gyur to snyam du shes nas rdo rje de 'phral ba'i nang du nub cing 'dug go snyam ste/ des gyad de la kye mi khyod kyi nor bu de gar song zhes dris pa dang / des sman pa de la smras pa/ kye ma sman pa nga'i smin mtshams
100a₅ kyi rgyan rdo rje de stor gor ma chag go/ /kyi hud bdag gis bag tshe'i nang du bcug gam gar bcug pa mi shes te sgrom bu'i nang du btsal na yang ma rnyed do/ /kyi hud phung gis med do/ /chu'i chu bur bzhin du med par gyur na ci sgyu ma lta
100a₆ bur gyur tam zhes zer ro/ /de nas de la sman pas smras pa/ kye mi khyod de ltar mya ngan ma byed cig /khyod kyi rdo rje de ni rma'i nang du nub nas sha dang khrag dang rnag gi nang na 'bar zhing 'dug ste/ khyod stobs 'gyed pa la yid bral nas
100a₇ ma tshor bar zad do zhes sman pa des de skad byas kyang yid mi ches te/ 'o na rnag khrag dang bcas te ci'i phyir ma byung / yang na chu ba la thogs te 'dug gam khyod de skad du ma smra shig ces sman pa de la de skad ces smras so/ /
100a₈ de nas sman pa des rdo rje de phyung nas de la bstan te/ des mthong nas ngo mtshar du gyur pa de bzhin du sems can thams cad la de bzhin gshegs pa'i snying po yod mod kyi/ sems can rnams kyis ni de mi shes te mi

_{iiif viewer powered by OpenSeadragon}

99b - 100b

Texts on this page