rKTs

e-texts navigator

Volume

Page

307a₁ las gyur pa/ pha ma'i mi gtsang ba las byung ba dang / mi rtag pa dang / rtag tu bsku ba dang / bkru ba dang / mnye dgos pa dang / 'jig pa dang / rnam par 'gyes pa dang / rnam par 'jig pa'i chos can no/ /sems ni sgyu ma dang mtshungs pa/ rten cing 'brel par 'byung ba/
307a₂ gnas med pa/ mtshan nyid med pa/ dngos po med pa/ bla gab med pa'o/ /byang chub ni ming tsam tha snyad tsam ste/ sgra skad med pa/ dpyad du med pa/ grub pa med pa/ rgyu ba med pa/ 'jug pa med pa/ rnam par rig pa med pa/ gdags par bya ba ma yin pa/ 'ong ba dang 'gro ba las yang dag
307a₃ par 'das pa/ gdags pa las yang dag par 'das pa/ khams gsum pa las yang dag par 'das pa/ ma mthong ba/ ma thos pa/ bye brag ma phyed pa/ gzhi med pa/ dmigs pa med pa/ rgyu ba med pa/ spros pa med pa/ 'jug pa med pa/ brtag tu med pa/ dpag tu med pa/
307a₄ bstan du med pa/ sgra med pa/ yi ge med pa/ tshig gi lam med pa'o/ /de ltar na su mngon par rdzogs par 'tshang rgya/ gang gis mngon par rdzogs par 'tshang rgya/ mngon par rdzogs par 'tshang rgya bar bya ba ni gang yin/ chos
307a₅ 'di dag thams cad ni ming tsam/ btags pa tsam/ brda tsam/ tha snyad tsam ste/ brtags pa/ yongs su brtags pa/ ma byung ba med pa/ rdzas ma yin pa/ rdzas med pa/ len pa med pa/ bstan du med pa/ mngon
307a₆ par chags pa med pa yin te/ de la ni mngon par rdzogs par 'tshang rgya ba su yang med/ cis mngon par rdzogs par 'tshang rgya ba yang med/ mngon par rdzogs par 'tshang rgya bar bya ba ci yang med/ rnam pa
307a₇ pa gang gis mngon par rdzogs par 'tshang rgya bar bya ba yang med de/ 'di la gang de ltar mngon par rdzogs par byang chub pa de'i phyir byang chub mngon par rdzogs par 'tshang rgya ba zhes bya ste/ de la byang chub ni 'gyur ba med pa/ mi
307a₈ 'gyur ba/ mtshan nyid med pa'o snyam mo/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das gal te byang chub kyi mtshan nyid de lta bu lags na/ bcom ldan 'das rigs

_{iiif viewer powered by OpenSeadragon}

306b - 307b

Texts on this page