| e-texts navigator |
| བོད་ཡིག |
207b1 sred pa dang / /ma rig de bzhin tshul bzhin min/ /ming dang gzugs dang yid rnams dang / /rnyog pa'i yid kyang de bzhin no/ /'phags pa lang kar gshegs pa zhes bya ba theg pa chen po'i mdo ji snyed pa/ rdzogs so// //
207b2 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u/ bam po dang po/ sangs rgyas dang / byang chub sems dpa' thams cad la phyag 'tshal lo/ /
207b3 'di skad bdag gis thos pa dus gcig na/ bcom ldan 'das lho phyogs kyi rgya mtsho'i 'gram lang ka'i ri'i rtse mo rin po che'i me tog sna tshogs kyis bkod pa na/ dge slong gi dge 'dun chen po dang / byang chub sems dpa'
207b4 sems dpa' chen po'i tshogs sangs rgyas kyi zhing sna tshogs tha dad pa nas 'dus pa dag dang thabs cig tu bzhugs te/ byang chub sems dpa' sems dpa' chen po de dag thams cad kyang tshad med pa'i ting nge 'dzin
207b5 dang / dbang po dang / stobs dang / mngon par shes pas rnam par rtsen pa sha stag la/ byang chub sems dpa' sems dpa' chen po blo gros chen po ni gtso bor gyur te/ sangs rgyas thams cad kyi phyag gis
207b6 spyi bo nas dbang bskur bas dbang bskur ba/ rang gi sems snang ba'i spyod yul gyi don la rab tu mkhas pa/ sems can sna tshogs kyi sems dang / gzugs sna tshogs dang / 'dul ba'i sgo tshad med
207b7 pa rnams ji lta ba bzhin du kun tu ston pa/ chos lnga dang / rang bzhin dang / rnam par shes pa dang / bdag med pa gnyis rtogs par khong du chud pa'o/ /de nas byang chub sems dpa' blo gros chen po/ byang chub
207b8 sems dpa' blo gros dang / sangs rgyas kyi zhing thams cad du rgyu ba dag dang lhan cig tu/ sangs rgyas kyi mthus stan las langs te/ bla gos phrag pa gcig tu gzar nas/ pus mo
iiif viewer powered by OpenSeadragon
Texts on this page
J53 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u
J52 - 'phags pa lang kar gshegs pa'i theg pa chen po'i mdo