rKTs

e-texts navigator

Volume

Page

197b₁ gang tshe mtshan nyid med mthong zhing / /chos la bdag med mthong ba'i phyir/ /de tshe sems ni ldog par 'gyur/ /yul dang dbang po tha dad phyir/ /rnam par shes pa brgyad du skye/ /mtshan nyid kyis ni gsum yin te/ /snang ba
197b₂ med la ldog par 'gyur/ /kun gzhi yid kyi bdag yin te/ /shes pa nyid ni bdag gi yin/ /gnyis su 'dzin pa rab tu 'jug /yongs su rtog na ldog par 'gyur/ /gcig dang tha dad rnam grol zhing / /rgyu ba med par nam
197b₃ mthong ba/ /de tshe bdag dang bdag gir yang / /gnyis su rtog par mi 'gyur ro/ /ma zhugs par ni rgyas mi 'gyur/ /rnam par shes pa'i rgyu yang min/ /rgyu dang 'bras bu spangs pa yi/ /'gags pa 'jug par mi 'gyur ro
197b₄ ci yi phyir na 'jig rten rnams/ /rnam rtog sems tsam bdag la gsungs/ /rgyu dang rnam par grol ba yi/ /mtshan dang mtshan gzhi rnam spangs pa/ /rang gi sems ni sna tshogs snang / /mthong ba lta bur rnam par brtags
197b₅ sems kyi snang ba shes pa dang / /sems kyi don gzhan gzung ba'i phyir/ /blo yis gang tshe ma mthong na/ /med pa'i lta bar 'gyur ba ni/ /sems su 'dzin par gyur pa'i phyir/ /ji ltar de yi yod mi 'byung / /rnam rtog dngos
197b₆ min dngos med min/ /de phyir yod pa mi skye ste/ /sems snang yongs su shes pa'i phyir/ /rnam rtog 'jug par mi 'gyur ro/ /rnam par rtog pa mi 'jug pa/ /rab tu gyur pa gnas med pa'o/ /bzhi yi phyogs rnams phyir
197b₇ bzlog cing / /gal te dngos po rgyu can na/ /ming gi bye brag gzhan de byas/ /de ni bsgrubs pa ma yin no/ /rgyu dang rkyen rnams 'dus pa dang / /rgyu ni bkag par gyur pa'i phyir/ /de dag don gyis dpog par 'gyur/ /yang na rgyu
197b₈ las byung bar 'gyur/ /gal te rkyen rnams mi rtag na/ /rtag pa'i nyes pa bzlog par 'gyur/ /byis pa rnams ni mi rtag phyir/ /'byung ba med cing 'jig pa med/ /gang yang 'jig par 'gyur bzhin du/ /rgyur gyur pa

_{iiif viewer powered by OpenSeadragon}

197a - 198a

Texts on this page