| e-texts navigator |
| བོད་ཡིག |
196a1 mkha' lta bu'o/ /'phags pas thob pa'i chos nyid ni/ /skye ba med pa gzhan yin te/ /gang de'i skye ba med pa ni/ /de ni mi skye bzod pa yin/ /nam zhig 'jig rten 'di dag kun/ /'di ni 'brel pa tsam mo
196a2 zhes/ /'brel pa nyid du mthong ba na/ /de na sems kyang mnyam par 'jog /mi shes sred pa las la sogs/ /'brel pa dag gi nang gi yin/ /'khor lo 'jim shing srub la sogs/ /sa bon 'byung sogs phyi rol lo/ /
196a3 'di ni 'brel ba tsam yin te/ /gang gi dngos po rkyen gzhan las/ /gang yang skye bar 'dod pa ni/ /'thad dang lung la de mi gnas/ /gal te bskyed bya'i dngos med na/ /blo yang gang gi rkyen las byung / /'di dag phan tshun
196a4 rkyen gyur pas/ /de phyir de dag rkyen du shes/ /drod gsher sra dang g.yo ba yi/ /chos rnams byis pas rnam brtags te/ /de ni 'dus pa chos ma yin/ /de phyir ngo bo nyid med do/ /nad pa'i dbang du sman pa dag /bya ba tha dad
196a5 ston mod kyi/ /de la gtsug lag tha dad med/ /nad kyis phye bas tha dad do/ /de bzhin ngas kyang sems can rgyud/ /nyon mongs nyes pa'i skyon chags pa/ /dbang po dag gi stobs shes nas/ /byis pa dag la tshul bshad do/ /
196a6 nyon mongs dbang po tha dad pas/ /nga yi bstan pa dbyer mi phyed/ /yan lag brgyad ldan zhi ba yi/ /lam ni theg pa gcig yin no/ /rdza dang snam bu cod ban rwa/ /ri bong rwa ni med pa'i rgyu/ /gang rgyu tshogs las
196a7 byung ba de/ /khyod kyis med par shes mi bya/ /yod pa'i rgyus ni med pa ste/ /med pa med par mi rung ngo / /yod pa med pa'i zla las byung / /phan tshun zla yi rgyu yin no/ /ci zhig la ni gnas bcas shing / /ci zhig snang bar
196a8 sus bsams pa/ /gang la rten pa ci zhig ni/ /rgyu med pa ste rgyu med min/ /gal te gzhan la de rten cing / /de yang gzhan la snang gyur na/ /thug pa med par rab 'gyur te/ /ci zhig ci yang med par 'gyur/ /ji ltar
iiif viewer powered by OpenSeadragon
Texts on this page
J52 - 'phags pa lang kar gshegs pa'i theg pa chen po'i mdo