| e-texts navigator |
| བོད་ཡིག |
195b1 dgag pa dang / /sems tsam du ni rnam gzhag pa/ /skye ba med par ngas bshad do/ /dngos po rgyu las 'byung med pa/ /chos dang rtag pa spangs pa ste/ /yod dang phyogs las grol ba ni/ /skye ba med par ngas bshad do/ /
195b2 sems ni snang dang rnam bral ba/ /rang bzhin gnyis kyang spangs pa ste/ /gnas rnams rab tu gyur pa ni/ /skye ba med par ngas bshad do/ /phyi rol dngos po dngos med min/ /sems kyang yongs su gzung ba med/ /
195b3 lta ba thams cad rab spangs pa/ /di ni skye med mtshan nyid do/ /de bzhin stong pa rang bzhin med/ /de las bsags pa'i tshig kun brtag /nam yang stong pas stong ma yin/ /skye ba med pa'i stong pa'o/ /rkyen gyi rnam
195b4 pa 'dus pa las/ /rab tu 'jug cing ldog par 'gyur/ /'dus pa las ni log shig na/ /skyes pa med cing 'gags pa'ang med/ /gcig pa dang ni tha dad du/ /ji ltar mu stegs can rtog bzhin/ /dngos po
195b5 tha dad ma yin dang / /'dus las gud na gang na'ang med/ /yod dang dngos po mi skye ste/ /med min yod m-in gang na'ang med/ /de phyir gzhan du 'dus pa ni/ /rab tu 'jug cing ldog par 'gyur/ /'di ni brda tsam nyid
195b6 yin te/ /phan tshun ltos pa 'brel ba yin/ /rkyen rnams 'brel las log shig na/ /bskyed pa'i bya ba'i don med do/ /bskyed pa med pas skye ba med/ /mu stegs can gyi skyon gyis spangs/ /'brel pa tsam du ngas
195b7 bshad do/ /byis pa rnams kyis mi rig go/ /gang na 'bral las log shig na/ /dngos po bskyed pa yod ces pa/ /'brel pa rnam par 'jig pa ste/ /rgyu med smra bar shes par bya/ /gang na 'brel las log shig
195b8 na/ /dngos po su la yod na ni/ /mar me bzhin du rdzas rigs rnams/ /'brel pa snang bar byed par 'gyur/ /'brel ba dag las log shig tu/ /chos gang mi mkhas rtog pa ni/ /ma skyes ngo bo nyid med de/ /rang bzhin nam
iiif viewer powered by OpenSeadragon
Texts on this page
J52 - 'phags pa lang kar gshegs pa'i theg pa chen po'i mdo