| e-texts navigator |
| བོད་ཡིག |
194a1 'tsho ba de dang lus de dang / /gang yang ma byung skye ba ni/ /de dag thams cad gzhan smra ba/ /ngas kyang de dag shin tu bshad/ /snga ma'i phyogs ni brjod bya ste/ /de dag blo ni bzlog par bya/ /de dag blo ni bzlog byas
194a2 nas/ /bdag gi phyogs ni ngas bshad do/ /nga yi slob ma rmongs pa'i sde/ /yod med phyogs la gnas 'ong zhes/ /de phyir mu stegs smra ba dag /ngas ni brjed par byas pa yin/ /yan lag ser skya blo ngan pa'ang / /'gro ba
194a3 gtso las skyes pa dang / /yon tan rnam par 'gyur ba yang / /slob ma rnams la rab tu ston/ /rkyen gyis byung dang ma byung min/ /rkyen rnams dngos po med pa'i phyir/ /ma byung ba ni mi 'byung ngo / /yod dang med pa'i phyogs
194a4 bral zhing / /rgyu dang rkyen rnams spangs pa dang / /skye dang 'jig pa med pa dang / /rang gi phyogs te mtshan gzhi spangs/ /sgyu ma rmi lam 'dra ba yi/ /'jig rten rgyu dang rkyen spangs pa/ /rtag tu rgyu med par mthong na/ /
194a5 rnam par rtog pa mi 'jug go/ /dri za'i grong khyer smig rgyu 'dra/ /rtag par skra shad 'dzings pa bzhin/ /yod dang med pa'i phyogs bral zhing / /rgyu dang rkyen gyis spangs pa yi/ /srid pa rgyu med par mthong na/ /sems kyi
194a6 rgyu ni rnam par 'dag / gang gi dngos po med pa dang / /sems tsam pa yang med 'gyur na/ /dngos po med par ji ltar sems/ /sems tsam du yang ma rung ngo / /dngos po la ni dmigs byas shing / /mi rnams
194a7 sems kyang skye bar 'gyur/ /rgyu med par ni ji ltar sems/ /sems tsam du ni mi rung ngo / /'phags pa'i dngos po'i tshul la ni/ /de bzhin nyid dang sems tsam yod/ /yod pa'ang min pa de dag ni/ /
194a8 nga yi tshul la mi mkhas pa'o/ /gzung dang 'dzin pa'i dngos por ni/ /gal te sems ni 'jug 'gyur na/ /de ni 'jig rten pa yi sems/ /sems tsam du yang mi rung ngo / /lus dang longs spyod gnas 'dra dang / /
iiif viewer powered by OpenSeadragon
Texts on this page
J52 - 'phags pa lang kar gshegs pa'i theg pa chen po'i mdo