| e-texts navigator |
| བོད་ཡིག |
192a1 rang gi sems ni ma mthong bas/ /rnam par rtog pa rab tu 'jug /ji ltar byis pas brtags pa yi/ /brtags pa gal te yod med cing / /de las rnam pa gzhan yod na/ /blos kyang rtog par mi rung ngo / /'phags pa
192a2 gal te de yod na/ /de ni byis pas brtags ma yin/ /gal te 'phags las de log na/ /'phags dang byis pa mnyam par gyur/ /gang phyir sems ni rnam sbyangs pa/ /'phags pa rnams la nor pa med/ /sems kyi rgyud ni
192a3 ma dag pa'i/ /byis pa brtags la rtog par byed/ /ji ltar bu la ma zhig ni/ /mkha' la shing thog len byed cing / /'de re bu gcig ma ngu bar/ /shing thog sna tshogs 'di yang long / /de bzhin sems can kun la ngas/ /brtags
192a4 pa'i 'bras bu sna tshogs kyis/ /bris nas yod dang med pa yi/ /phyogs spangs tshul ni rab tu bshad/ /gang gi ma byung rkyen rnams kyis/ /'byung ste 'brel las ma yin na/ /sngon ma skyes pa da skyes te/ /bdag nyid du yang
192a5 red pa med/ /bdag nyid ma red skyes pa med/ /rkyen med par yang gang na'ang med/ /skyes pa'i dngos po de dag kyang / /rkyen med par yang gang na'ang med/ /de lta bu yi mdor mthong na/ /gang na med min yod min min/ /
192a6 dngos po rkyen las skye bar ni/ /mkhas pa rnams kyis mi brtag go/ /mu stegs can rnams byis pa la/ /rkyen gyis gcig dang tha dad gtam/ /zer yang 'gro ba rmi lam dang / /sgyu ma 'dra bar mi shes so/ /brjod pa'i yul
192a7 gyi theg pa ni/ /theg pa chen po bla na med/ /ngas ni don kyang legs par bstan/ /byis pa rnams kyis mi shes so/ /gang dag 'jungs pa'i nyan thos dang / /mu stegs can gyis byas pa na/ /gang phyir rtog gis bshad pas
192a8 na/ /de dag don la 'khrul pa'o/ /mtshan nyid dang ni dngos dbyibs dang / /ming ni rnam pa bzhi po yang / /de dag la ni dmigs byas shing / /rnam par rtog pa rab tu 'jug /gang rnams gcig dang du ma dang / /
iiif viewer powered by OpenSeadragon
Texts on this page
J52 - 'phags pa lang kar gshegs pa'i theg pa chen po'i mdo