| e-texts navigator |
| བོད་ཡིག |
190b1 dag cis mi 'dod/ /skye dang 'jig par 'brel pa yi/ /'dus byas rab tu mthong ba ni/ /lta ba gnyis po rgyas par byed/ /rkyen rnams shes pa ma yin no/ /mya ngan 'das pa yid spangs pa/ /gcig pu de ni bden pa yin/ /'jig rten
190b2 brtags pa sgyu ma dang / /chu skyes phung ltar blta bar bya/ /'dod chags dang ni zhe sdang dang / /gti mug yod de gang zag med/ /phung po rnams ni srid las byung / /rmi lam dag dang 'dra ba yod/ /gang gi nub mo thugs su chud/ /
190b3 gang la yongs su mya ngan 'das/ /ngas ni de yi bar du yang / /cung zad bstan pa'ang ma yod do/ /so so rang chos lugs rnams la/ /dgongs nas rab tu ngas bshad de/ /nga dang sangs rgyas de dag gis/ /cung zad bye brag byas pa med/ /bdag ni rdzas
190b4 dang 'dra bar yod/ /phung po rnams ni mtshan nyid spangs/ /dngos por phung po yod pa ste/ /de dag la ni bdag med do/ /nyon mongs bag la nyal bcas pas/ /so sor rnam par sgom pa dang / /'gro ba rang gi sems mthong na/
190b5 sdug bsngal kun las thar par 'gyur/ /gang gi rgyu dang rkyen rnams dang / /mtha' bzhi yi ni rigs pa yis/ /'jig rten rab tu 'byung zhes pa/ /de dag nga yi tshul mi mkhas/ /'jig rten yod dang med mi skye/ /med min
190b6 yod min gang na'ang med/ /rgyu dang rkyen rnams dag gis kyang / /byis pa rnams ni ji ltar rtog /gang gi tshe na 'jig rten rnams/ /yod m-in med min yod med min/ /mthong na de tshe sems ldog ste/ /bdag med pa yang
190b7 rtogs par 'gyur/ /gang phy-ir rkyen las byung bas na/ /dngos po thams cad ma skyes pas/ /rkyen rnams thams cad 'bras bu ste/ /'bras bu la ni sred mi 'byung / /'bras bu las ni gnyis 'gyur phyir/ /'bras bu
190b8 las ni 'bras m-i 'byung / /gnyis su 'gyur ba'i skyon gyi phyir/ /'bras bu las ni dngos mi dmigs/ /gang gi tshe na 'dus byas rnams/ /dmigs dang dmigs par bya bral zhing / /sems med sems tsam mthong ba la/ /
iiif viewer powered by OpenSeadragon
Texts on this page
J52 - 'phags pa lang kar gshegs pa'i theg pa chen po'i mdo