| e-texts navigator |
| བོད་ཡིག |
188b1 dag dang rang bzhin rnams/ /de ni sangs rgyas spyod yul yin/ /mtshan nyid kyis ni gsum du 'gyur/ /bag chags gcig gi rgyu las byung / /ji ltar tshon rtsi gcig pu yang / /rtsig pa la ni sna tshogs snang / /sems dang bdag med gnyis
188b2 po dang / /yid dang rnam par shes pa dang / /rang bzhin rnams dang chos lnga po/ /de dag nga yi rigs la med/ /sems kyi mtshan nyid bral ba dang / /rnam par shes dang yid spangs shing / /chos kyi rang bzhin med pa ni/ /de bzhin
188b3 gshegs pa'i rigs yin no/ /lus dang ngag dang yid rnams kyis/ /de la dge bar bya ma yin/ /de bzhin gshegs rigs dag pa ste/ /kun tu rgyu ba spangs pa'o/ /mngon par shes dang dbang gis dag /ting nge 'dzin dang stobs
188b4 kyis brgyan/ /yid kyi lus ni sna tshogs pa/ /de bzhin gshegs pa'i dge ba'i rigs/ /so so rang rig dri ma med/ /rgyu yi mtshan nyid spangs pa ste/ /sa brgyad pa dang sangs rgyas sa/ /de bzhin gshegs pa'i rigs yin no/
188b5 legs pa'i blo gros ring du song / /chos sprin de bzhin gshegs pa'i yang / /de dag sangs rgyas rnams kyi rigs/ /lhag ma theg pa gnyis 'thob byed/ /sems can rgyud kyi bye brag dang / /mtshan nyid phyir yang byis pa la/ /
188b6 sems kyi dbang du 'gro ba'i sa/ /bdun po sangs rgyas rnams kyis bshad/ /ngag lus sems kyi gnas ngan len/ /sa bdun la ni mi 'jug ste/ /sa brgyad la ni de y-i gnas/ /rmi lam chu bo mtshungs shing 'dra/
188b7 sa brgyad dang ni lnga pa la/ /bzo dang rig dang sgyu rtsal rnams/ /rgyal sras rnams ni shes byed cing / /srid pa'i gnas na rgyal po'ang byed/ /skye dang mi skye stong mi stong / /blo ldan gyis ni brtag mi bya/ /rang bzhin nyid
188b8 dang rang bzhin med/ /sems tsam la ni yod pa min/ /yang dag 'di 'o yang dag 'di/ /'di ni log ces brtag bya ba/ /rang rgyal nyan thos rnams la bshad/ /rgyal ba'i sras la ma yin no/ /sems tsam la
iiif viewer powered by OpenSeadragon
Texts on this page
J52 - 'phags pa lang kar gshegs pa'i theg pa chen po'i mdo