| e-texts navigator |
| བོད་ཡིག |
187a1 de bzhin gsum/ /mya ngan 'das dang nga med de/ /thams cad stong pa skye spangs pa'o/ /sangs rgyas bye brag sum bcu drug /bye brag dag ni bcu pa dang / /sems can so so'i sems rgyud rnams/ /de dag zhing gi snod
187a2 yin no/ /ji ltar brtags pa'i dngos po ni/ /sna tshogs blta bar snang mod kyi/ /sna tshogs nyid ni de la med/ /'gro ba de bzhin chos sangs rgyas/ /chos kyi sangs rgyas sangs rgyas yin/ /lhag ma de yi sprul pa'o/ /sems
187a3 can rang gi sa bon rgyud/ /sangs rgyas snang bar mthong ba'o/ /mtshan ma 'brel las nor ba yi/ /rnam par rtog pa rab tu 'jug /rtog las de bzhin nyid gzhan min/ /mtshan ma las kyang rnam rtog min/ /rang bzhin gyi
187a4 dang rdzogs longs spyod/ /'phrul pa dang ni sprul pa gang / sangs rgyas mang po sum bcu drug /rang bzhin gyi ni sangs rgyas yin/ /sngon po dmar po lan tshwa dang / /dung dang 'o ma kha ra dang / /bska ba'i 'bras bu me tog
187a5 sogs/ /ji ltar nyi las 'od zer dang / /rgya mtsho rlabs dang ldan pa ni/ /mi gcig tha dad ma yin te/ /sems dang lhan cig ldan pa yi/ /rnam shes bdun po de bzhin no/ /rgya mtsho yongs su gyur pa ni/ /dba'
187a6 rlabs sna tshogs de dag ste/ /rnam par shes shes bya ba ste/ /kun gzhi de bzhin sna tshogs 'byung / /sems dang yid dang rnam shes pa/ /mtshan nyid don du rab tu brtag /brgyad po tha dad ma yin mtshan/ /mtshan gyi
187a7 gzhi med mtshan nyid med/ /rgya mtsho dang ni dba' rlabs rnams/ /ji ltar khyad par med pa ltar/ /de bzhin sems la rnam shes dag /yongs su gyur pa mi rnyed do/ /sems kyis las rnams sogs par byed/ /
187a8 yid kyis kyang ni rnam par sogs/ /rnam par shes pas rnam par rig /lnga pa snang la rtag par byed/ /sngon po dmar po'i rnam par ni/ /mi yi rnam par shes par gda'/ /dba' rlabs sems dang chos 'thun pa/ /
iiif viewer powered by OpenSeadragon
Texts on this page
J52 - 'phags pa lang kar gshegs pa'i theg pa chen po'i mdo