| e-texts navigator |
| བོད་ཡིག |
186a1 yod med phyogs bral yod do zhes/ /dbu mar rnam par rtog par 'gyur/ /rgyu med par ni smra bas ni/ /rgyu med chad par lta bar rtog /phyi rol dngos po ma rtogs phyir/ /dbu ma 'jig par byed par 'gyur/ /chad
186a2 pa'i lta bar 'gyur snyam pas/ /dngos po 'dzin pa mi gtong ste/ /skur pa dang ni sgro 'dogs pas/ /dbu ma dag ni ston par 'gyur/ /sems tsam du ni rtogs pa dang / /phyi rol dngos po rnam bsal bas/ /rnam par
186a3 rtog pa rnam ldog ste/ /lam de nyid ni dbu ma'o/ /sems tsam yin te snang ba med/ /snang ba med pas mi skye ste/ /dbu ma yi ni lam 'di yang / /nga dang gzhan dag gis kyang bshad/ /skye ba dang ni mi skye dang / /
186a4 dngos dang dngos med stong pa dang / /dngos po rang bzhin med pa ni/ /gnyis po de dag rnam mi brtag /rnam par rtog pa 'jug med pas/ /byis pa rnams ni thar par rtog /sems 'jug pa ni ma rtogs pas/ /
186a5 'dzin pa gnyis ni spong mi 'gyur/ /rang gi sems snang rtogs pa'i phyir/ /'dzin pa rnam gnyis spong bar 'gyur/ /spong dang yongs su 'dzin pa ni/ /rnam rtog 'jig par byed ma yin/ /sems snang yongs su shes
186a6 pa'i phyir/ /rnam par rtog pa mi 'jug go/ /rnam par rtog pa mi 'jug pa/ /de bzhin nyid ni sems spangs pa'o/ /mu stegs can gyi nyes spangs pa/ /'jug pa gal te snang gyur na/ /ldog pa 'jug par m-i byed pas/
186a7 mkhas pa dag gis de bzung ngo / /de rtogs phyir ni sangs rgyas su/ /nga dang sangs rgyas gzhan gyis bshad/ /rnam pa gzhan du rtog na ni/ /mu stegs can gyi smra bar 'gyur/ /mi skye ba la skye ba mang / /shi 'phos med
186a8 cing 'chi 'phor 'gyur/ /zhing rnams bye bar cig car yang / /chu yi zla ba bzhin du snang / /gcig dang mang por gyur nas ni/ /me yang 'bar zhing char yang 'bebs/ /sems la sems kyir gyur nas ni/ /de dag sems
iiif viewer powered by OpenSeadragon
Texts on this page
J52 - 'phags pa lang kar gshegs pa'i theg pa chen po'i mdo