rKTs

e-texts navigator

Volume

Page

185b₁ rnal 'byor bsgoms/ /gal te skye bar mi rtog na/ /ting nge 'dzin dang stobs rnams dang / /mngon par shes dang dbang ldan gyis/ /rnal 'byor par ni myur du 'gyur/ /rdul phran dus dang gtso bo dang / /byed pa las kyang mi rtog go/ /
185b₂ 'jig rten rgyu rkyen las byung bar/ /rnal 'byor pas ni mi brtag go/ /'jig rten rang gi rtog pas brtags/ /sna tshogs bag chags dag las byung / /srid pa sgyu ma rmi 'dra bar/ /rnal 'byor can gyis rtag tu ltos/ /
185b₃ sgro 'dogs pa dang skur pa y-is/ /spangs par lta ba rtag tu ste/ /zhi ba'i lam ni dger song nas/ /rnal 'byor sna tshogs rtsom par byed/ /lus dang longs spyod gnas 'dra bar/ /srid pa gsum la ma rtogs shig /
185b₄ zas kyi bya ba byas pa dang / /bsam pa med par lus bsrang nas/ /sangs rgyas dang ni byang chub la/ /yang dang yang du phyag 'tshal te/ /rnal 'byor shes pas mdo 'dul dang / /'thad pas yang dag bsdus nas ni/
185b₅ chos lnga dang ni rang sems dang / /bdag med pa la rnam par sgoms/ /so so rang rig chos nyid gtsang / /sa rnams dang ni sangs rgyas sa/ /rnal 'byor can gyis de bsgoms na/ /pad mo che la dbang bskur
185b₆ 'gyur/ /'gro ba kun tu rab 'khyams pas/ /srid pa la ni skyo ba'-i yid/ /rnal 'byor can gyis brtson byas na/ /nyi ma zla ba'i dbyibs 'dra dang / /'od dang pad mo lta bu dang / /ri mo nam mkha'i me 'dra mthong /
185b₇ mtshan ma sna tshogs de dag ni/ /mu stegs can lam khrid par byed/ /nyan thos dag dang rang rgyal gyi/ /spyod yul du yang ltung bar byed/ /'di dag thams cad rnam spangs shing / /snang ba med par nam gyur pa/
185b₈ de tshe sangs rgyas lha yi phyag /thams cad zhing nas byung ba yis/ /de yi mgo la nyug mdzad de/ /yang dag rjes su 'gro ba'i ltas/ /rgyu med pa las dngos po ni/ /rtag dang chad pa spangs pa yi/

_{iiif viewer powered by OpenSeadragon}

185a - 186a

Texts on this page