rKTs

e-texts navigator

Volume

Page

183b₁ nga yi shes rab rnam gsum ste/ /gang gis 'phags pa rab phye ba/ /gang gis yang dag mtshan nyid rtog /gang gis dngos po 'byed pa'o/ /nyan thos shes rab snang spangs pa/ /theg pa gnyis dang bral ba ni/ /dngos po yod par chags pas na/ /shin tu 'jug
183b₂ par 'gyur ba yin/ /sems tsam la ni 'jug pa yis/ /bde gshegs shes rab dri ma med/ /yod pa dang ni med pa las/ /rkyen kyis gal te skyer zin na/ /gcig dang tha dad lta ba la/ /gdon mi za bar de dag gnas/ /
183b₃ yan lag mang pos bsgrubs pa yi/ /sgyu ma grub par mi 'gyur bar/ /de bzhin mtshan ma sna tshogs kyang / /brtags na 'grub par mi 'gyur ro/ /mtshan ma gnas ngan len pa yi/ /'ching ba sems las byung ba ste/ /kun tu brtags
183b₄ pa mi shes pas/ /gzhan gyi dbang zhes rtog par 'gyur/ /gang brtags pa yi dngos po 'di/ /gzhan gyi dbang yang de nyid de/ /brtags pa sna tshogs snang ba yang / /gzhan gyi dbang gis rtog par byed/ /kun rdzob dang ni dam pa'i
183b₅ don/ /rgyu las skyes pa gsum du med/ /brtags pa kun rdzob ces bya ste/ /de chad 'phags pa'i spyod yul lo/ /rnal 'byor can gyi dngos po ltar/ /sna tshogs gcig tu rnam par mdzes/ /de la rnam pa sna tshogs med/ /
183b₆ brtags pa'i mtshan kyang de bzhin no/ /ji ltar rab rib can dag gis/ /gzugs mthong ba la sna tshogs rtag /rab rib gzugs min gzugs med min/ /mkhas pas gzhan dbang de bzhin no/ /ji ltar gser
183b₇ ni dag pa dang / /chu yang rnyog pa spangs pa dang / /nam mkha' la ni sprin med ltar/ /rnam rtog dag pa de bzhin no/ /nga yi nyan thos rnam gsum ste/ /sprul dang smon lam las skyes pa/ /'dod chags zhe sdang spangs pa yi/
183b₈ chos las byung ba'i nyan thos so/ /byung chub sems dpa'ang rnam gsum ste/ /sangs rgyas la ni mtshan nyid med/ /sems can dag gi sems sems la/ /sangs rgyas gzugs ni rab tu snang / /brtags pa yi ni

_{iiif viewer powered by OpenSeadragon}

183a - 184a

Texts on this page