| e-texts navigator |
| བོད་ཡིག |
183a1 dang ni 'jig pa med/ /yan lag bcu gnyis yod ma yin/ /mtha' dang mtha' med pa'ang med/ /lta ba thams cad spang ba'i phyir/ /sems tsam du ni ngas bshad do/ /lus dang nyon mongs las lam dang / /byed pa po dang 'bras
183a2 bu rnams/ /rmi lam dang ni smig rgyu 'dra/ /dri za yi ni grong khyer bzhin/ /sems tsam du ni rnam bzhag pas/ /dngos po'i mtshan las rnam par log / /sems tsam la ni gnas pa'i phyir/ /rtag dang chad pa mthong bar 'gyur/ /
183a3 mya ngan 'das la phung po med/ /bdag kyang med cing mtshan nyid med/ /sems tsam la ni 'jug pa yis/ /thar pa 'dzin las log par 'gyur/ /sa snang rgyus byung nges pa ni/ /mi rnams la ni phyi rol snang / /sems ni snang ba med las byung / /
183a4 de yi phyir na sems mi snang / /mi rnams kyis ni bag chags rnams/ /lus dang longs spyod gnas ltar snang / /sems ni dngos min dngos med min/ /bag chags dag gis mi mdzes so/ /dkar po la ni dri ma snang / /dri ma la ni dkar
183a5 mi snang / /nam mkha' la ni sprin bzhin du/ /de bzhin sems kyang mi snang ngo / /sems ni las kyang sogs par byed/ /ye shes kyis ni rnam par sel/ /shes rab kyis ni snang med dang / /mthu yang rab tu thob par byed/ /sems ni
183a6 yul dang 'brel pa ste/ /shes pa rtog ge dag la 'jug /snang ba med dang khyad par la/ /shes rab dag la shin tu 'jug /sems dang yid dang rnam shes dang / /'du shes rtog pa spangs pa ste/ /rnam par mi rtog chos thob pas/ /
183a7 nyan thos dag ni rgyal sras min/ /zhi ba bzod pa'i khyad par la/ /de bzhin gshegs kyi ye shes dge/ /kun tu spyod pa spangs pa ni/ /khyad par phyir ni skye bar 'gyur/ /kun tu brtags pa'i rang bzhin yod/ /gzhan gyi dbang ni med pa ste/
183a8 nor pa dag gis brtags pa 'dzin/ /gzhan gyi dbang ni mi rtag go/ /thams cad 'byung 'gyur gzugs med de/ /'byung las ma gyur gzugs yod do/ /dri za'i grong khyer rmi lam dang / /sgyu ma smig rgyu 'byung 'gyur min/
iiif viewer powered by OpenSeadragon
Texts on this page
J52 - 'phags pa lang kar gshegs pa'i theg pa chen po'i mdo