rKTs

e-texts navigator

Volume

Page

181b₁ sems las byung ba'i sa bdun rnams/ /ngo bo nyid ni gnyis su 'gyur/ /sa gzhan dang ni sangs rgyas sa/ /de dag shin tu rdzogs pa yin/ /gzugs can dang ni gzugs med khams/ /'dod pa'i khams dang mya ngan 'das/ /
181b₂ sems kyi spyod yul thams cad kyang / /lus 'di nyid du bshad pa yin/ /gang tshe ji srid dmigs gyur pa/ /de srid nor pa 'jug par 'gyur/ /nor pa rang gi sems rtogs na/ /'jug pa med cing ldog pa med/ /skye ba med la
181b₃ rgyu yang med/ /dngos pos 'khor ba kun 'dzin te/ /rgyu la sogs dang 'drar mthong na/ /mtshan nyid la ni mi rtog go/ /byis pa zhan pa'i blo can la/ /theg pa gcig dang theg gsum dang / /theg pa med par nga 'chad do/ /
181b₄ 'phags pa rnams la dben pa nyid/ /mtshan nyid dang ni rtog pa de/ /nga yi skye ba rnam gnyis so/ /tshul bstan pa ni rnam bzhi ste/ /rigs pa bstan dang grub pa'i mtha'/ /dbyibs dang byad kyi khyad par gyis/ /nor ba mthong nas
181b₅ rnam par rtog / ming dang dbyibs dang bral gyur nas/ /rang bzhin 'phags pa'i spyod yul gtsang / /ji srid rnam par rtog pas rtog /de srid brtags pa'i mtshan nyid de/ /brtag bya rtog pa med pa'i phyir/ /rang bzhin
181b₆ 'phags pa'i spyod yul lo/ /rtag pa ther zug yang dag nyid/ /rigs dang dngos po'i ngo bo nyid/ /de bzhin nyid ni sems las grol/ /rtog pa rnams kyang spangs pa'o/ /dngos po med na dag mi 'gyur/ /nyon mongs pa
181b₇ yang su la'ang med/ /gang phyir sems ni dag gyur pas/ /kun nas nyon mongs snang bar 'gyur/ /de phyir rnam dag 'phags pa'i yul/ /yang dag nyid ni dngos por 'gyur/ /sems ni rkyen gyis bskyed pa ste/ /
181b₈ rtog pa dag gis rnam par spel/ /rmi lam sgyu ma la sogs ltar/ /mthong na rnam par 'tshang rgya 'gyur/ /bag chags sna tshogs gnas ngan len/ /sems dang lhan cig rab tu ldan/ /mi la phyi rol rnams snang ste/ /

_{iiif viewer powered by OpenSeadragon}

181a - 182a

Texts on this page