| e-texts navigator |
| བོད་ཡིག |
300b1 snang ba bsam gyis mi khyab pas bstan pa zhes bya bar zung shig /kun dga' bo gang la la zhig gis ji srid 'tsho'i bar du de bzhin gshegs pa bzhugs pa la sti stang byed/ bla mar byed/ ri mor byed/ mchod pa byed cing / me tog gi phur ma
300b2 ri rab tsam gtor ba dang / spos dang / phye ma dang / byug pa dang / gos dang / gdugs dang / rgyal mtshan dang / ba dan dang / lha'i dang mi'i mchod pa rnam pa mang po gzhan dag gis mchod pa bas/ rigs kyi bu 'am/ rigs kyi bu mo gang zhig
300b3 snang ba bsam gyis mi khyab pas bstan pa'i chos kyi rnam grangs 'di 'dzin cing klog la/ kun chub par byed cing / gzhan dag la yang rgya cher yang dag par ston la/ de bzhin du nan tan du byed na 'di ni bsod nams kyi phung po de bas
300b4 ches mang du bskyed do/ /kun dga' bo de lta bas na de bzhin gshegs pa la chos kyi mchod pas mchod par 'dod pa dang / shes rab kyi snang ba chen po byed par 'dod pas chos kyi rnam grangs 'di gzung bar bya/ klag par bya/ nan tan
300b5 gyis bsgrub par bya/ gzhan dag la yang rgya cher yang dag par rab tu bstan par bya'o/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' sems dpa' chen po snang ba
300b6 bsam gyis mi khyab pa dang / yul ko sa la'i rgyal po gsal rgyal 'khor dang bcas pa dang / lha'i dbang po brgya byin dang / mi mjed kyi bdag po tshangs pa dang / 'jig rten skyong ba bzhi dang / thams cad dang ldan pa'i 'khor de dang /
300b7 lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa khye'u snang ba bsam gyis mi khyab pas bstan pa zhes bya ba chos
300b8 kyi rnam grangs rdzogs so/ / // rgya gar gyi mkhan po su ran dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te/ gtan la phab pa// //
iiif viewer powered by OpenSeadragon
Texts on this page
J48 - 'phags pa khye'u snang ba bsam gyis mi khyab pas bstan pa zhes bya ba'i chos kyi rnam grangs