| e-texts navigator |
| བོད་ཡིག |
297b1 rgyal po chen po tshul 'di 'dra bar 'di bskal pa dgu bcur sdug bsngal 'di lta bu dang / nyam thag pa 'di lta bus 'chi ba'i dus byas shing btsas pa btsas pa na yang bor bar gyur te/ yang skye bo phal po che 'di skad du nal gyi bu sbyar ma'i bu 'di la khyi
297b2 dang spyang ki dang / lce spyang rnams za'o zhes 'dzer to/ /rgyal po chen po de'i tshe de'i dus na/ byang chub sems dpa' sa zhes bya bar gyur pa de gzhan zhig yin pa snyam du khyod som nyi 'am/ yid gnyis za bar gyur na rgyal po chen po khyod kyis
297b3 de de ltar mi blta'o/ /de ci'i phyir zhe na/ khye'u snang ba bsam gyis mi khyab pa 'di de'i tshe de'i dus na byang chub sems dpa' sa zhes bya bar gyur to/ /rgyal po chen po 'di'i las kyi sgrib pa ni/ kun nas nyon mongs pa'i sems ni rnam par
297b4 sbyangs/ de bzhin gshegs pa ni mnyes par byas/ ngan 'gro thams cad ni bcad nas/ khye'u snang ba bsam gyis mi khyab pa 'dis sangs rgyas bye ba phrag drug bcu rtsa bzhi mnyes par byas shing / sti stang du byas/ ri mo byas/ mchod pa
297b5 byas nas/ sangs rgyas bcom ldan 'das de dag gi drung du tshangs par spyod pa spyad do/ /chos yongs su btsal ba la yang brtson par gyur to/ /rgyal po chen po de sngon gyi dge ba'i rtsa ba 'dis bdag nyid chen po 'di thob po/ /rgyal po
297b6 chen po de ltar na las nag po dang / dkar po dag chud za bar 'gyur ba med do/ /rgyal po chen po de lta bas na mkhas pas lus kyi las dang / ngag gi las dang / yid kyi las bsdams par bya ste/ srog gi phyir yang sdig pa'i las
297b7 mi bya'o/ /de nas bcom ldan 'das la yul ko sa la'i rgyal po gsal rgyal gyis 'di skad ces gsol to/ /bcom ldan 'das byang chub sems dpa' lha bzang zhes bgyi bar gyur pa des/ bla na med pa yang dag par rdzogs pa'i
297b8 byang chub thob lags sam/ 'on te da dung du yang byang chub sems dpa'i spyad pa spyod par bgyid/ bcom ldan 'das kyis bka' stsal pa/ rgyal po chen po byang chub sems dpa' sems dpa' chen po lha bzang de ni de bzhin gshegs pa mi 'khrugs pa'i sangs
iiif viewer powered by OpenSeadragon
Texts on this page
J48 - 'phags pa khye'u snang ba bsam gyis mi khyab pas bstan pa zhes bya ba'i chos kyi rnam grangs