| e-texts navigator |
| བོད་ཡིག |
296b1 yongs su rtogs pa sems kyis shes nas tshigs su bcad de smras pa/ gang dag rtag tu byams sems dag sems ldan/ /gang dag mi brlang mnyen zhing dran ldan la/ /legs par bsdams shing drang la tshangs spyod pa/ /de dag lus ni rnam par dag par
296b2 'gyur/ /gang dag sdig pa spong zhing mi spyod la/ /rtag tu dge ba mi chung rnam spel zhing / /gnod par sems dang khro ba rnam spong ba/ /de dag lus ni rnam par dag par 'gyur/ /gang dag sangs rgyas chos dang tshogs mchog la/ /gus dang bcas par rtag tu mchod
296b3 byed cing / /gzhan la rdeg 'tshog sdigs mo mi byed pa/ /de dag lus ni rnam par dag par 'gyur/ /gang dag gzhan la phrag dog ser sna dang / /de bzhin nga rgyal dag kyang mi byed la/ /gzhan gyi nyes pa byung ba mi brjod pa/ /de dag lus ni rnam par
296b4 dag par 'gyur/ /gzhan la co dri ba dang smad pa dang / /bshung ba dag ni nam yang mi byed cing / /gzhan la 'khrul pa'i glags lta mi byed pa/ /de dag lus ni rnam par dag par 'gyur/ /de nas bcom ldan 'das la rgyal po gsal rgyal gyis
296b5 'di skad ces gsol to/ /bcom ldan 'das khye'u snang ba bsam gyis mi khyab pa 'di chos chen po dang ldan pa lags na/ bcom ldan 'das las kyi sgrib pa gang zhig gis/ khye'u 'di bud med khyim thab ma mchis pa'i mngal du
296b6 skyes la/ der yang khang stong du bor bar gyur/ bcom ldan 'das kyis bka' stsal pa/ rgyal po chen po sngon byung ba 'das pa'i dus na/ 'di nas bskal pa dgu bcu rtsa gcig na/ de'i tshe de'i dus na/ de bzhin gshegs pa dgra
296b7 bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom
296b8 ldan 'das rnam par gzigs shes bya ba 'jig rten du byung ngo / /rgyal po chen po de'i tshe de'i dus na/ bcom ldan 'das de bzhin gshegs pa rnam par gzigs de'i gsung rab la byang chub sems
iiif viewer powered by OpenSeadragon
Texts on this page
J48 - 'phags pa khye'u snang ba bsam gyis mi khyab pas bstan pa zhes bya ba'i chos kyi rnam grangs