rKTs

e-texts navigator

Volume

Page

291b₁ mdzes pa/ blta na sdug pa zhig bor bar gyur te/ lag pa g.yas pa'i mdzub mo khar bcug nas/ 'jib cing 'dug pa la khyi 'am/ ce spyang gang dag khang stong der lhags pa de dag kyang khye'u de la lce'i dbang pos bldags shing 'dong ste/
291b₂ 'di ltar sngon byas pa'i dge ba'i rtsa bas khye'u de la 'tshe ba mi byed do/ /khang stong der skye bo phal po che dag kyang 'jug cing 'byung ngo / /bcom ldan 'das kyis skye bo phal po che 'jug cing 'byung ba gzigs nas mkhyen bzhin du tshe dang
291b₃ ldan pa kun dga' bo la bka' stsal pa/ kun dga' bo gang du skye bo phal po che 'di dag 'jug cing 'byung ba'i khang stong de na ci yod ltos/ de skad ces bka' stsal nas/ tshe dang ldan pa kun dga' bos bcom ldan 'das kyi ltar mnyan
291b₄ te/ khang stong ga la ba der song nas phyin pa dang / khye'u gzugs bzang ba/ mdzes pa/ blta na sdug pa zhig lag pa g.yas pa'i 'dzub mo khar bcug ste/ 'jib cing 'dug la mig gnyis mi 'dzums par skye bo'i tshogs thams cad la
291b₅ lta ba mthong ngo / /mthong nas kyang tshe dang ldan pa kun dga' bo bcom ldan 'das ga la ba der song ste phyin nas/ bcom ldan 'das la skabs de gsol pa/ bcom ldan 'das khang stong de na khye'u bor ba gzugs bzang ba/ mdzes pa/
291b₆ blta na sdug pa/ rin po che'i gzugs ltar mchis pa/ mig mi 'dzums par skye bo'i tshogs thams cad la lta ba zhig mchis so/ /de nas bcom ldan 'das kyis kye ma khye'u 'di ni sngon gyi sbyor ba phun sum tshogs pa ste/ nga'i legs
291b₇ par bshad pa'i don shes par nus shing / skal ba can no snyam nas/ khye'u de la thugs brtse ba dang / skye bo phal po che dge ba la gzud pa'i phyir/ khang stong ga la ba der gshegs so/ /de nas bcom ldan 'das der gshegs nas phyogs
291b₈ gcig tu bzhugs te/ phyogs gcig tu bzhugs nas/ khye'u de la tshigs su bcad de bka' stsal pa/ sbrul dang gnod sbyin rgyu ba yis/ /dur khrod 'jigs pa che 'di na/ /byis pa ji ltar mi 'jigs shing / /khyod da gcig pu

_{iiif viewer powered by OpenSeadragon}

291a - 292a

Texts on this page