| e-texts navigator |
| བོད་ཡིག |
291a1 rnga dang / sgra snyan dag ni ma brdungs par sgra 'byung ngo / /ngang pa dang / ngur pa dang / khrung khrung dang / rma bya dang / ne tso dang / khu byug dag kyang yid du 'ong ba'i sgra 'byin to/ /gang dag gter stor ba de dag gis ni gter rnams rnyed par gyur to/ /
291a2 gser dang dngul las byas pa'i snod rnams kyang ma dkrol bar sgra byung ngo / /sa yang rnam pa drug tu g.yos shing 'gul te/ sems can rnams skyabs med par yang ma gyur cig /yid dang ba rab tu thob po/ /smra ba'i mchog dam pa sangs rgyas
291a3 kyis gang dang gang du zhabs kyis gom pa bor ba de dang der pad ma dri ma med cing / legs par gnas pa rnams byung ngo / /dud 'gro'i skye gnas su song ba'i sems can gang dag gis mthong ba de dag thams cad kyang bde ba rnyed nas mtho ris su skye bar
291a4 'gyur ro/ /bud med gang dag sbrum pa de dag kyang mi bde ba med pa nyid du gzugs bzang zhing blta na sdug pa dag btsas so/ /sems can rnams la yang 'dod chags dang / zhe sdang dang / gti mug rnams kyis gnod par gyur pa med do/ /rab tu sdang ba'i
291a5 sems med par phan tshun du smra ste/ dper na pha'am ma zhig bu gcig pa la smra ba bzhin no/ /srang gi g.yas g.yon rnams kyang legs par brgyan par gyur to/ /nam mkha' la gnas pa'i lha'i tshogs thams cad kyis kyang me tog sil ma dag
291a6 mngon par gtor to/ /sems can sdug bsngal bar gyur pa gang yang med do/ /sems can gang dag na bar gyur pa de dag kyang nad med par gyur te/ bde ba thob po/ /bde bar gshegs pa gshegs pa na sems can so so nas de bzhin gshegs
291a7 pa ni bdag kho na la gzigs so snyam du sems so/ /so so nas bdag nyid bsod snyoms 'bul zhing / mi'i 'dren pa la brten nas bdag kho na bsod snyoms kyi 'bras bu la sbyor ro snyam du sems te/ de gshegs pa tsam yang gzhal
291a8 bar sla ba ma yin no/ /de nas bcom ldan 'das grong khyer chen po mnyan yod du mthar chags su bsod snyoms bzhes shing gshegs nas/ bcom ldan 'das grong bar gyi dbus zhig tu gshegs pa dang / de'i tshe khang stong zhig tu khye'u gzugs bzang ba/
iiif viewer powered by OpenSeadragon
Texts on this page
J48 - 'phags pa khye'u snang ba bsam gyis mi khyab pas bstan pa zhes bya ba'i chos kyi rnam grangs