rKTs

e-texts navigator

Volume

Page

288b₁ gzhon nu bye ba stong phrag sum bcu byung ba de dag gis de bzhin gshegs pa'i chos phra ba bstan pa rtogs nas sems can rgan po rnams la sems can rgan po khyed rnams ni chos mi shes pa'o/ /rtag tu chos ma yin pa dang / mi dge ba la chags
288b₂ pa'o zhes phra mo rnams mi snyan pa mchi zhing yongs su rjod la gnod pa bgyid na/ bcom ldan 'das de ci'i slad du tshig snyan pa yid du 'ong ba 'di dag smras/ bcom ldan 'das kyis bka' stsal pa/ sman gyi sde de dag ci'i phyir tshig 'di skad smra ba mi
288b₃ shes sam/ de dag ni de bzhin gshegs pa la 'jam zhing shin du snyen pa smra ste/ chos kyang thos pas sman gyi sde de'i phyir de dag chos thams cad kyi don khong du chud par 'gyur/ yon tan thams cad dang ldan par 'gyur/ de dag thams cad
288b₄ gzungs rtogs par 'gyur/ deng phyin chad sa bcu la gnas par 'gyur/ deng chos kyi rnga chen po'i sgra 'byin par 'gyur/ deng chos chen po'i rnam pa dang ldan par 'gyur ro/ /sman gyi sde khang pa brtsegs pa 'di dag mthong ngam/ gsol
288b₅ pa/ bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ sman gyi sde deng nyid sems can gzhon nu 'di dag khang pa brtsegs pa 'di dag gi nang du zhugs nas chos mngon
288b₆ par rtogs pa 'thob par 'gyur ro/ /deng nyid dge ba'i chos thams cad yongs su rdzogs par byed par 'gyur ro/ /deng chos kyi rnga chen po rdung bar 'gyur te/ lha'i ris du ma zhig deng chos mngon par rtogs pa thob par byed par 'gyur ro/ /
288b₇ sems can dmyal ba pa'i sems can log par ltung ba la gnas pa mang po dag kyang de bzhin gshegs pa'i ye shes bstan pa thos nas 'khor ba bsnyil te rgyal bar 'gyur ro/ /de'i tshe sems can rgan po bye ba stong phrag dgu bcu thams
288b₈ cad kyis rgyun du zhugs pa'i 'bras bu 'thob ste/ de dag thams cad kyang chos dang ldan par 'gyur ro/ /sman gyi sde de dag thams cad ni sdug bsngal thams cad yongs su spangs par 'gyur ro/ /sman gyi sde de dag thams cad ni de bzhin

_{iiif viewer powered by OpenSeadragon}

288a - 289a

Texts on this page