| e-texts navigator |
| བོད་ཡིག |
288a1 de nas ston pa mthong bar 'gyur/ /de nas bcom ldan 'das de bzhin gshegs pa ka la ping ka'i sgra skad yid du 'ong ba 'dzum pa mdzad do/ /de nas byang chub sems dpa' sems dpa' chen po sman gyi sde stan las
288a2 langs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das gang bcom ldan 'das kyi zhal gyi sgo nas 'od zer brgyad khri bzhi stong byung ste/ 'od
288a3 zer de dag gis thams cad dang ldan pa'i stong gsum gyi stong chen po'i 'jig rten gyi khams 'di khyab par gyur/ sems can dmyal ba chen po sum bcu rtsa gnyis po thams cad kyang khyab par gyur/ lha'i gnas sum bcu rtsa gnyis kyang
288a4 snang bar gyur/ 'od zer de dag kyang kha dog sna tshogs sha stag la 'di lta ste/ sngon po dang ser po dang dmar po dang dkar po dang le brgan dang shel dang dngul gyi kha dog lta bu ste/ 'od zer de dag bcom ldan 'das kyi zhal gyi sgo nas byung nas stong
288a5 gsum gyi stong chen po'i 'jig rten gyi khams kyi sems can rnams la bde bar sbyar ba thams cad bgyis nas slar log ste/ bcom ldan 'das la lan bdun bskor ba bgyis nas/ bcom ldan 'das kyi dbu'i gtsug tu nub par
288a6 gyur pa'i 'dzum pa mdzad pa'i rgyu gang lags/ rkyen gang lags/ de nas yang bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das gal te bdag la skabs
288a7 dbye bar gnang na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis byang chub sems dpa'
288a8 sems dpa' chen po sman gyi sde la 'di skad ces bka' stsal to/ /sman gyi sde khyod ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ /gsol pa/ bcom ldan 'das sems can
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs