| e-texts navigator |
| བོད་ཡིག |
278a1 sman gyi sde dpag tshad brgyad khri srid kyi steng gi nam mkha' la gnas pa dang / lha bye ba stong phrag brgyad bcu bcom ldan 'das la me tog gi char rab tu 'bebs so/ /sems can gzhon nu de dag kyang thal mo sbyar
278a2 nas phyag 'tshal lo/ /de nas byang chub sems dpa' sems dpa' chen po sman gyi sdes bar snang la gnas bzhin du tshig 'di skad ces smras te/ des stong gsum gyi stong chen po'i 'jig rten gyi khams sgras gang bar gyur pa dang /
278a3 sems can dmyal ba chen po sum bcu rtsa gnyis su skyes pa'i sems can rnams sgra de nyan to/ /lha'i ris sum bcu rtsa gnyis kyang sgra de la nyan to/ /stong gsum gyi stong chen po'i 'jig rten gyi khams kyang rnam pa drug tu rab tu
278a4 g.yos so/ /rgya mtsho chen po'i nang gi klu brgyad khri bzhi stong yang 'khrugs so/ /srin po bye ba stong phrag sum bcu yang 'dzam bu'i gling 'dir lhags so/ /yi dags dang / gnod sbyin dang / srin po bye ba stong phrag nyi shu rtsa lnga yang
278a5 lcang lo can gyi pho brang 'khor nas lhags te/ bcom ldan 'das kyi spyan sngar 'dus pa chen po kun du 'dus so/ /de nas bcom ldan 'das kyis sems can gzhon nu de dag la chos bstan pa dang / phyogs bcu'i 'jig rten gyi
278a6 khams nas/ byang chub sems dpa' sems dpa' chen po bye ba stong phrag brgya rang rang gi rdzu 'phrul gyis lhags so/ / bam po bzhi pa ste tha ma/ de nas byang chub sems dpa' sems
278a7 dpa' chen po sman gyi sdes bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das byang chub sems dpa' 'dus shing mchis pa mang ngo / /bde bar gshegs
278a8 pa mang ngo / /bcom ldan 'das lha dang klu 'dus shing mchis pa yang mang ngo / /srin po bye ba phrag du ma zhig kyang lcang lo can gyi pho brang 'khor nas lhags te 'dus nas mchis par gyur to/ /de nas bcom ldan 'das kyis byang
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs