| e-texts navigator |
| བོད་ཡིག |
277b1 gzhon nu dang / rgan po rnams kyang yongs su thar bar mdzad do/ /de nas steng gi bar snang las tshigs su bcad pa 'di dag byung ngo / /rgyal ba'i zhing ni ngo mtshar zhing / /zhing bzangs mngon par 'dus byas pa/ /de la sa bon btab pa ni/ /
277b2 rnam par chud zar mi 'gyur ro/ /rgyal ba'i zhing ni dag pa'i zhing / /sangs rgyas bstan pa bsngags pa ste/ /sems can thams cad bzung ba'i phyir/ /ston pas kyang ni thabs mdzad do/ /mya ngan 'das pa'i dbyings gnas kyang / /
277b3 sa yi steng na kun du snang / /rtag tu 'jig rten zhi byas nas/ /sangs rgyas sbyin pa'i gnas rnams sbyong / /sems can gzhon nu thar bar byed/ /rgan po rnams kyang thar bar byed/ /sems can thams cad khams gsum las/ /
277b4 mthar gyis yongs su thar bar byas/ /sems can dmyal ba'i sgo bcad de/ /dud 'gro yi dags thar bar byas/ /'jig rten 'di yang zhi byas nas/ /'jig rten pha rol bde bar byed/ /de nas bcom ldan 'das kyis 'dzum pa
277b5 mdzad nas/ bka' stsal pa/ legs pa rnams ni mthong na legs/ /sangs rgyas rnams kyang mthong na legs/ /dam chos yon tan zhing yang legs/ /dge 'dun 'dus pa mthong na legs/ /zung bstan pa yang legs pa ste/ /
277b6 sdig pa rnam par 'jig pa legs/ /de nas byang chub sems dpa' sems dpa' chen po sman gyi sdes bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /
277b7 bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu khyod kyis sems can gzhon nu 'di dag mthong ngam/ gsol pa/ bcom ldan 'das mthong
277b8 lags so/ /bde bar gshegs pa mthong lags so/ /bcom ldan 'das kyis bka' stsal pa/ sman gyi sde 'di dag thams cad ni deng nyid du sa bcu la rab tu gnas par 'gyur ro/ /de nas byang chub sems dpa' sems dpa' chen po
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs