| e-texts navigator |
| བོད་ཡིག |
276b1 bcom ldan 'das gang chos ma 'tshal ba'i sems can gzhon nu de dag gang nas mchis/ gang nas 'chi 'pho zhing gang du skye bar 'gyur/ bcom ldan 'das kyis bka' stsal pa/ sman gyi sde nyon cig /mi'i lus yongs su 'dzin pa
276b2 de dag ni dngul mkhan gyis kyang ma byas/ zangs mkhan gyis kyang ma byas/ shing mkhan gyis kyang ma byas/ rdza mkhan gyis kyang ma byas te/ rgyal po'i 'jigs pas kyang ma byas kyi/ gzhan du na skyes pa dang bud med 'dus pa dang
276b3 sdig pa'i las dang ldan pa las byung ngo / /sems can de dag kyang yang dang yang bzo'i las rnams slob pas de dag gi sdug bsngal mi bzad pa mtha' yas pa dang / tshor ba mi bzad pa 'byung ste/ der de dag sngon sdig pa mi dge ba'i
276b4 las byas pa'i rnam par smin pa myong ngo / /sman gyi sde 'di nyid du gang sems can gzhon nu lhags pa mi ldang ba 'di dag ni 'di 'dra ba'i sdug bsngal gyi tshor ba myong bar 'gyur te/ sman gyi sde de'i phyir mi smra/ kun du mi smra'o/ /sman
276b5 gyi sde de ltar na sems can gzhon nu de dag ni dge ba yang mi shes/ skye ba yang mi shes/ 'gag pa yang mi shes te/ de dag mi'i lus kyang 'thob par mi 'gyur ba 'di dag kyang sman gyi sde sems can gzhon nu rnams shes bya'o/ /gsol
276b6 pa/ bcom ldan 'das sems can gzhon nu rnams ji ltar skye/ ji ltar 'gag /bcom ldan 'das kyis bka' stsal pa/ sman gyi sde 'di lta ste/ dper na mi la la zhig gis me la shing gis reg par byas pa dang / shing de la mthar
276b7 gyis me 'bar ba de bzhin du/ sman gyi sde thog ma mi'i lus su skye'o/ /skyes nas gdod tshor ba myong ngo / /gsol pa/ bcom ldan 'das su zhig 'dir mngon par skye/ skyes nas su zhig yongs su mya ngan las 'das/ bcom
276b8 ldan 'das kyis bka' stsal pa/ sman gyi sde sangs rgyas nyid skyes so/ /de bzhin gshegs pa nyid yongs su mya ngan las 'das so/ /'di lta ste dper na/ rgyal pos mi la la zhig bcings te khang pa mun pa mun nag gi nang du btson
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs